ನೀರಿಗೆ ವಾನರ ಹಾಹಾಕಾರ: ಮನ ಕಲಕುವ ಚಿತ್ರ ಸೆರೆ

ಸುರಪುರ: ಲಾಕ್‌ಡೌನ್ ಹಿನ್ನೆಲೆಯಲ್ಲಿ ಕೆಲ ಪ್ರಾಣಿ ಸಂಕುಲಕ್ಕೆ ಅನ್ನ ನೀರಿನ ಹಾಹಾಕಾರ ಉಂಟಾಗಿದೆ ಎನ್ನುವುದಕ್ಕೆ ಜೀವಂತ ಸಾಕ್ಷಿ ಎಂಬಂತೆ ತಾಲೂಕಿನ ಕೃಷ್ಣಾಪುರದಲ್ಲಿ ಮಂಗಗಳಿಗೆ ಅನ್ನ ನೀರು ಇಲ್ಲದೆ ಹಸಿವು ಮತ್ತು ದಾಹದಿಂದ ಬಳಲುತ್ತಿರುವುದು ಗೋಚರಿಸಿದೆ.ಮಂಗವೊಂದು ನೀರಿನ ದಾಹದಿಂದಾಗಿ ಯಾರೋ ಕುಡಿದು ಬಿಸಾಕಿದ ನೀರಿನ ಪಾಕೆಟ್ ಒಂದನ್ನು ಎತ್ತಿಕೊಂಡು ಅದರಲ್ಲಿ ಉಳಿದ ಹನಿ ನೀರಿಗಾಗಿ ಚಪ್ಪರಿಸುತ್ತಿರುವ ದೃಶ್ಯವನ್ನು ಹವ್ಯಾಸಿ ಪತ್ರಕರ್ತ ಮಂಜುನಾಥ ಎಸ್.ಬಿರಾದಾರ್ ಸಗರ ಅವರು ತಮ್ಮ ಕ್ಯಾಮರಾದಲ್ಲಿ ಸೆರೆ ಹಿಡಿದಿದ್ದಾರೆ.