ಸುರಪುರ: ನಗರದ ಪ್ರಜಾಪಿತ ಬ್ರಹ್ಮಕುಮಾರಿ ದೇವತೀರ್ಥದಲ್ಲಿ ರಾಜಯೋಗಿನಿ ಮಾತಾ ಜಗದಂಬಾ ಸರಸ್ವತಿಯವರ ೫೬ನೇ ಸ್ಮೃತಿ ದಿನವನ್ನು ಆಚರಿಸಲಾಯಿತು.
ಈ ಸಂದರ್ಭದಲ್ಲಿ ಆಶ್ರಮದ ಸಹೋದರಿ ರಾಗಿಣಿ ಅವರು ಮಾತನಾಡಿ,ಜಗದಂಬಾ ಸರಸ್ವತಿ ಮಾತೆಯವರು ಜನರಲ್ಲಿ ವಿಶ್ವ ಭಾತೃತ್ವವನ್ನು ಮೂಡಿಸಲು ಹಾಗು ಸಮರ್ಪಣಾ ಭಾವ ಹಾಗು ಯೋಗಿ ಜೀವನ ದರ್ಶನ ಮಾಡಿಸಿದ ಮತ್ತು ಸತ್ಯತೆಯ ಶಕ್ತಿಯ ಮಹತ್ವವನ್ನು ತಿಳಿಸಿಕೊಡುವ ಮೂಲಕ ತಮ್ಮ ಅನುಭಾವವನ್ನು ಎಲ್ಲರಿಗೂ ಧಾರೆ ಎರೆದವರು.ಅಂತಹ ಮಹಾ ಮಾತೆ ಜಗದಂಬಾ ಸರಸ್ವತಿ ಮಾತೆಯ ಸ್ಮೃತಿ ದಿನವನ್ನು ಇಂದು ಆಚರಿಸುವ ಮೂಲಕ ಅವರನ್ನು ನೆನೆಯುವುದು ಸಂತೋಷದ ಸಂಗತಿಯಾಗಿದೆ ಎಂದರು.
ನಂತರ ಸುರಪುರ ಉಪ ಕಾರಾಗೃಹದ ಹುಲಗೇಶ ಅವರು ಮಾತನಾಡಿ,ಭಾರತದಲ್ಲಿ ಸಂಸ್ಕೃತಿ ಮತ್ತು ಧಾರ್ಮಿಕ ಪರಂಪರೆಯನ್ನು ಎಲ್ಲರಲ್ಲಿ ಮೂಡಿಸುವ ಜೊತೆಗೆ ಪ್ರತಿಯೊಬ್ಬ ವ್ಯಕ್ತಿಗು ತಾನು ಯಾರು ಎನ್ನುವುದರ ಕುರಿತು ಅರಿವು ಮೂಡಿಸುವ ಕೆಲಸವನ್ನು ಪ್ರಜಾಪಿತ ಬ್ರಹ್ಮಕುಮಾರಿ ಆಶ್ರಮ ಮಾಡುವ ಮೂಲಕ ಎಲ್ಲರಲ್ಲಿ ಅರಿವಿನ ಜ್ಯೋತಿಯನ್ನು ಬೆಳಗಿಸುತ್ತಿರುವುದು ಹೆಮ್ಮೆಯ ಸಂಗತಿಯಾಗಿದೆ ಎಂದರು.ನಂತರ ಆಶ್ರಮದ ವತಿಯಿಂದ ಹುಲಗೇಶ ಅವರನ್ನು ವಿಶೇಷವಾಗಿ ಸನ್ಮಾನಿಸಿ ಗೌರವಿಸಲಾಯಿತು.
ಕಾರ್ಯಕ್ರಮದಲ್ಲಿ ಆರ್‌ಎಸ್‌ಎಸ್ ಸ್ವಯಂ ಸೇವಕರು ಹಾಗು ಕೊರೊನಾ ವಾರಿಯರ್ಸ್‌ಗಳಾದ ಸಚಿನ ಮತ್ತು ನಾಗರಾಜ ಮಕಾಶಿ ಅವರು ಉಪಸ್ಥಿತರಿದ್ದರು.