ಸೇಡಂ: ಇಲ್ಲಿಯ ಸಂಸ್ಕೃತಿ ಪ್ರಕಾಶನ ಮತ್ತು ರಾಷ್ಟ್ರಕೂಟ ಪುಸ್ತಕ ಮನೆ ಸಂಯುಕ್ತವಾಗಿ ಆಯೋಜಿಸಿರುವ ಎರಡು ಪುಸ್ತಕಗಳ ಜನಾರ್ಪಣೆ ಕಾರ್ಯಕ್ರಮವು ಜು.೬ ರಂದು ಸಂಜೆ ೬ ಕ್ಕೆ ನಡೆಯಲಿದೆ.
ಕಲಬುರಗಿ ರಂಗಾಯಣ ನಿರ್ದೇಶಕ ಪ್ರಭಾಕರ ಜೋಶಿ ರಚಿಸಿದ ‘ರಂಗ ಕಾರಣ’ ಮತ್ತು ಕನ್ನಡ ಸಾಹಿತ್ಯ ಪರಿಷತ್ತಿನ ಮಾಜಿ ಜಿಲ್ಲಾಧ್ಯಕ್ಷ ಮಹಿಪಾಲರೆಡ್ಡಿ ಮುನ್ನೂರ್ ರಚಿಸಿದ ‘ಕೃತಿ ಕಾರಣ’ ಎಂಬ ಎರಡು ಪುಸ್ತಕಗಳ ಬಿಡುಗಡೆ ಸಮಾರಂಭವು ರಾಮಚಂದ್ರ ಬಡಾವಣೆಯ ‘ಅಮ್ಮ’ ಮನೆಯ ಮೇಲ್ಮಹಡಿ ಸಭಾಂಗಣದಲ್ಲಿ ನಡೆಯಲಿದ್ದು, ಹಿರಿಯ ಲೇಖಕರಾದ ಲಿಂಗಾರೆಡ್ಡಿ ಶೇರಿ ಪುಸ್ತಕಗಳನ್ನು ಬಿಡುಗಡೆ ಮಾಡಲಿದ್ದಾರೆ. ನೃಪತುಂಗ ಅಧ್ಯಯನ ಸಂಸ್ಥೆ ಅಧ್ಯಕ್ಷ, ಹಿರಿಯ ಲೇಖಕ ಡಾ.ವಾಸುದೇವ ಅಗ್ನಿಹೋತ್ರಿ ಅಧ್ಯಕ್ಷತೆ ವಹಿಸುವರು.
ಕೆರಳ್ಳಿ ಗುರುನಾಥರೆಡ್ಡಿ ಪ್ರತಿಷ್ಠಾನ ಅಧ್ಯಕ್ಷ ಸಿದ್ದಪ್ಪ ತಳ್ಳಳ್ಳಿ ಮುಖ್ಯ ಅತಿಥಿಗಳಾಗಿರುವರು. ಹಿರಿಯ ಲೇಖಕ ಡಾ.ಎಂ.ಜಿ.ದೇಶಪಾಂಡೆ ಅವರು ‘ರಂಗ ಕಾರಣ’ ಹಾಗೂ ಹಿರಿಯ ಲೇಖಕಿ ಡಾ.ಚಂದ್ರಕಲಾ ಬಿದರಿ ಅವರು ‘ಕೃತಿ ಕಾರಣ’ ಪುಸ್ತಕಗಳ ಕುರಿತು ಮಾತನಾಡುವರು ಎಂದು ಎರಡು ಪ್ರಕಾಶನಗಳ ಆಯೋಜಕರಾದ ಆದಿತ್ಯ ಜೋಶಿ ಮತ್ತು ಸಿದ್ದಪ್ರಸಾದರೆಡ್ಡಿ ತಿಳಿಸಿದ್ದಾರೆ.