ಶಹಾಬಾದ : ನಗರದ ವಾರ್ಡ ನಂ.೮ರಲ್ಲಿ ಕುಡಿಯುವ ನೀರಿನ ಸಮಸ್ಯೆಯನ್ನು ಅರಿತು ಉದ್ಯಮಿ ಮತ್ತು ದಾನಿಗಳಾದ ನರೇಂದ್ರ ವರ್ಮಾ ಅವರು ತಮ್ಮ ವ್ಯಯಕ್ತಿಕ ಹಣದಿಂದ ಕೊಳವೆ ಬಾವಿ ತೋಡಿಸಿ ಸಾರ್ವಜನಿಕರಿಗೆ ನೀರಿನ ಅನುಕೂಲವಾಗುವ ನಿಟ್ಟಿನಲ್ಲಿ ಅನುಕೂಲ ಮಾಡಿಕೊಟ್ಟರು.
ಈ ಸಂದರ್ಭದಲ್ಲಿ ಮಾತನಾಡಿದ ನಗರಸಭೆಯ ಸದಸ್ಯ ರವಿ ರಾಠೋಡ ಮಾತನಾಡಿ, ನರೇಂದ್ರ ವರ್ಮಾ ಅವರು ಸರಳ ವ್ಯಕ್ತಿತ್ವದವರು. ಕಷ್ಟದಲ್ಲಿದ್ದವರಿಗೆ ಸಹಾಯ ಮಾಡುವ ಉದಾರ ಗುಣ ಅವರಲ್ಲಿದೆ.ಎಲ್ಲಯೂ ಪ್ರಚಾರ ಗಿಟ್ಟಿಸುವ ಕೆಲಸಕ್ಕೆ ಇಲ್ಲಿಯವರೆಗೆ ಮಾಡಿಲ್ಲ.ಈಗಾಗಲೇ ಬಹುತೇಖ ಸಾಮಾಜಿಕ ಪರವಾದ ಕೆಲಸಗಳನ್ನು ಸದ್ದಿಲ್ಲದೇ ಮಾಡಿದ್ದಾರೆ.ಸಾವಿರಾರು ಜನರಿಗೆ ಕೊರೊನಾ ಸಂದರ್ಭದಲ್ಲಿ ಆಹಾರ ಕಿಟ್‌ಗಳನ್ನು ಮನೆ ಕಳಿಸಿದ್ದಾರೆ.ಒಂದು ಕೈಯಿಂದ ಮಾಡಿದ ಸೇವೆ ಇನ್ನೊಂದು ಕೈಯಿಗೆ ಗೊತ್ತಾಗಬಾರದು ಎಂಬ ಪ್ರವೃತ್ತಿ ಉಳ್ಳವರು.
ಇಂದು ವಾರ್ಡ ನಂ. ೮ ರ ಸಾರ್ವಜನಿಕರಿಗೆ ಕುಡಿಯುವ ನೀರಿನ ತೊಂದರೆಯನ್ನು ಮನಗಂಡು ಉಚಿತವಾಗಿ ಕೊಳವೆ ಬಾವಿಯನ್ನು ತೋಡಿಸಿ ನೀರಿನ ಅನುಕೂಲ ಮಾಡಿಕೊಟ್ಟಿದ್ದಾರೆ.ಅಲ್ಲದೇ ಜನಪ್ರತಿನಿಧಿಗಳು, ಮುಖಂಡರು ಮಾಡುವ ಕೆಲಸ ಇವರು ಮಾಡುತ್ತಿರುವುದು, ಕಷ್ಟದಲ್ಲಿದ್ದವರಿಗೆ ಸ್ಪಂದಿಸುವ ಕೆಲಸ ಮಾಡುತ್ತಿರುವುದು ನಿಜಕ್ಕೂ ಅಭಿನಂದನಾರ್ಹ ವಿಷಯ ಎಂದು ಹೇಳಿದರು.
ಈ ಸಂದರ್ಭದಲ್ಲಿ ಉದ್ಯಮಿ ನರೇಂದ್ರ ವರ್ಮಾ,ನಗರಸಭೆಯ ಸದಸ್ಯರಾದ ದತ್ತಾ ಫಂಡ್,ಜಗದೇವ ಸುಬೇದಾರ, ಶೋಯೇಬ ಶೇಖ, ರಾಕೇಶ ಕಕಡೆ ಸೇರಿದಂತೆ ಇತರರು ಇದ್ದರು.