ಕಲಬುರಗಿ: ಕನ್ನಡವನ್ನು ಉಸಿರಾಗಿಸಿಕೊಂಡಿದಷ್ಟೇ ವಚನ ಸಾಹಿತ್ಯಕ್ಕೆ ಮಾರು ಹೋಗಿದ್ದ ಹಳಕಟ್ಟಿ ರವರು ಅಂದು ವಚನ ಸಾಹಿತ್ಯದ ಹಸ್ತ ಪ್ರತಿಗಳಿಗಾಗಿ ಓಲೆಗರಿ ಗ್ರಂಥಗಳಿಗಾಗಿ ಹುಡುಕಾಟದ ಊರುಗಳಿಲ್ಲ, ತಡಗಾಡದ ಕೇರಿಗಳಿಲ್ಲ, ಅನ್ವೇಷಣೆ ಗೈಯದ ಆಲಯಗಳಿಲ್ಲ, ಸಂಶೋಧನೆ ನಡೆಸದ ಊರುಗಳಿಲ್ಲ, ಹೀಗೆ ಇಡೀ ಲೋಕವನ್ನೆ ತಿರುಗಿ ಅಲ್ಲಲ್ಲಿ ಹರಿದು ಹಂಚಿಹೋದ ವಚನ ಸಾಹಿತ್ಯ ವ್ಯಕ್ತಿಯಾಗಿ ಕಟ್ಟಿಕೊಟ್ಟಿದ್ದರಿಂದಲೇ ಇವತ್ತು ನಮ್ಮೆಲ್ಲರಿಗೂ ಓದುವ, ನೋಡುವ ಭಾಗ್ಯ ಸಿಕ್ಕಿದೆ ಎಂದು ಅಖಿಲ ಭಾರತ ಶರಣ ಸಾಹಿತ್ಯ ಪರಿಷತ್ತಿನ ಜಿಲ್ಲಾ ಯುವ ಘಟಕದ ಅಧ್ಯಕ್ಷರಾದ ಶಿವರಾಜ ಅಂಡಗಿ ಅವರು ಅಭಿಪ್ರಯಾ ವ್ಯಕ್ತಪಡಿಸಿದರು.
ಅವರು ಅಖಿಲ ಭಾರತ ಶರಣ ಸಾಹಿತ್ಯ ಪರಿಷತ್ತಿನ ಜಿಲ್ಲಾ ಯುವ ಘಟಕದಲ್ಲಿ ಮಧ್ಯಾಹ್ನ ಡಾ.ಪ.ಗು.ಹಳಕಟ್ಟಿ ರವರ ಜಯಂತಿ ಆಚರಿಸಿ ಮಾತನಾಡಿದರು. ಪ್ರತಿದಿನ ನಾವು ಒಂದು ವಚನ ಓದುವದರೊಂದಿಗೆ, ಹೇಳುವುದರೊಂದಿಗೆ, ಮುದ್ರಣ ಮಾಡುವುದರೊಂದಿಗೆ ಪ್ರಚಾರ ಮಾಡುವುದರೊಂದಿಗೆ ಸ್ವಲ್ಪ ಮಟ್ಟಿಗಾದರೂ ಅವರ ಋಣ ತೀರಿಸೋಣ ಎಂದು ಕರೆ ನೀಡಿದರು.
ಈ ಸಂದರ್ಭದಲ್ಲಿ ಪದಾಧಿಕಾರಿಗಳು ಹಾಗೂ ನ್ಯಾಯವಾದಿ ವಿನೋದಕುಮಾರ ಜನೇವರಿ, ವಾಸುದೇವ ಗಡ್ಯಾಳ, ರಮೇಶ ದೊಡ್ಡಮನಿ ಹಾಗೂ ಸಂಗಮೇಶ ಕರಡಿ, ರಾಜಶೇಖರ ಮರಪಳ್ಳಿ, ಶಿವಶರಣ ಪಾಟೀಲ ರವರು ಉಪಸ್ಥಿತರಿದ್ದರು.