ಸುರಪುರ: ನಗರದ ಶ್ರೀ ಜನನಿ ಮಹಿಳಾ ಕಲಾ ಮತ್ತು ವಾಣಿಜ್ಯ ಪದವಿ ಮಹಾವಿದ್ಯಾಲಯದಲ್ಲಿ ಜಿಲ್ಲಾ ರೆಡ್ ರಿಬ್ಬನ್ ಕ್ಲಬ್ ಹಾಗೂ ತಾಲೂಕು ಆರೋಗ್ಯ ಇಲಾಖೆಯ ಸಹಯೋಗದಲ್ಲಿ ವಿಶ್ವ ರಕ್ತದಾನಿಗಳ ದಿನಾಚರಣೆಯನ್ನು ಆಚರಿಸಲಾಯಿತು. ಈ ಸಂದರ್ಭದಲ್ಲಿ ವಿದ್ಯಾರ್ಥಿನಿಯರಿಂದ ನಗರದಲ್ಲಿ ರಕ್ತದಾನದ ಬಗ್ಗೆ ಅರಿವು ಮೂಡಿಸುವ ಜಾಗೃತಿ ಜಾಥಾ ನಡೆಸಲಾಯಿತು.
ಜಾಥಾಗೆ ಹಸಿರು ನಿಶಾನೆ ತೋರಿಸುವ ಮೂಲಕ ಚಾಲನೆ ನೀಡಿದ ಉಪನ್ಯಾಸಕ ಡಾ. ಮಲ್ಲಿಕಾರ್ಜುನ ಕಮತಗಿ ಮಾತನಾಡಿ,ರಕ್ತದಾನ ಶ್ರೇಷ್ಠದಾನ ಪ್ರತಿಯೊಬ್ಬ ರೋಗಿ ಮತ್ತು ತುರ್ತು ಪರಿಸ್ಥಿತಿ ಇರುವ ಸಂದರ್ಭದಲ್ಲಿ ರಕ್ತದಾನ ಮಾಡಿದರೆ ಒಬ್ಬ ವ್ಯಕ್ತಿಗೆ ಜೀವಾಮೃತ ನೀಡಿದಂತೆ ಹಾಗು ರಕ್ತದಾನ ಮಾಡಿದವರು ಕೂಡ ಉತ್ತಮ ಆರೋಗ್ಯವನ್ನು ಹೊಂದಲಿದ್ದಾರೆ ಎಂದರು.
ಈ ಸಂದರ್ಭದಲ್ಲಿ ಯಾದಗಿರಿ ಜಿಲ್ಲಾ ರೆಡ್ ಕ್ರಾಸ್ ವ್ಯವಸ್ಥಾಪಕರಾದ ಆರತಿ ಧನುಶ್ರೀ, ಸಹ ವ್ಯವಸ್ಥಾಪಕರಾದ ಅಮರೇಶ ಭೂತಿ, ಆಪ್ತ ಸಮಾಲೋಚಕರಾದ ಪ್ರದೀಪ್‌ಕುಮಾರ ಮುಖ್ಯ ಅತಿಥಿಗಳಾಗಿದ್ದರು. ಉಪನ್ಯಾಸಕರಾದ ಸುವರ್ಣಾ ಅಂಟೋಳಿಯವರು ಅಧ್ಯಕ್ಷತೆ ವಹಿಸಿದ್ದರು. ಇದೇ ಸಂದರ್ಭದಲ್ಲಿ ಯಾದಗಿರಿ ಜಿಲ್ಲೆಯಲ್ಲಿ ಅತಿ ಹೆಚ್ಚು ಬಾರಿ ರಕ್ತದಾನ ಮಾಡಿದ ಮುಸ್ತಫಾ ಮತ್ತು ಸಾಧಿಕ್ ಮೌಲಾನಾ ರವರನ್ನು ಸನ್ಮಾನಿಸಲಾಯಿತು. ಉಪನ್ಯಾಸಕರಾದ ಡಾ. ಹಳ್ಳೆಪ್ಪ ಲಿಂಗದಳ್ಳಿ, ಮಹೇಶ ಗಂಜಿ, ಅಂಬ್ರೇಶ ಚಿಲ್ಲಾಳ, ಚಂದ್ರಶೇಖರ ನಾಯಕ, ಬೀರೇಶ ದೇವತ್ಕಲ್, ಮರೆಮ್ಮ ಕಟ್ಟಿಮನಿ, ಮುಂತಾದವರು ಉಪಸ್ಥಿತರಿದ್ದರು.ಕರಿಷ್ಮಾ ಸರಮುದ್ದಿನ್ ನಿರೂಪಿಸಿದರು. ಹುಲಗಮ್ಮ ಶೇಖರ ಪ್ರಾರ್ಥಿಸಿದರು, ಸರಸ್ವತಿ ಸ್ವಾಗತಿಸಿದರು, ಶರಣಮ್ಮ ವಂದಿಸಿದರು.