ಸುರಪುರ:ನಗರದ ಮುಜಂಪುರ ಗಲ್ಲಿಯಲ್ಲಿರುವ ಹಳೆಯ ಕಾಲದ ಬಾವಿಗೆ ಬಿದ್ದು ಯುವತಿ ಸಾವನಪ್ಪಿರುವ ಘಟನೆ ಮಂಗಳವಾರ ಸಂಜೆ ನಡೆದಿದೆ.
ನಿರುಪಮಾ ಮಲ್ಲಿಕಾರ್ಜುನ ಹಿರೇಮಠ ಎನ್ನುವ 18 ವರ್ಷದ ಯುವತಿಯೆ ಮೃತಪಟ್ಟ ದುರ್ದೈವಿ ಯುವತಿಯಾಗಿದ್ದಾಳೆ. ವಿಪರೀತವಾದ ಹೊಟ್ಟೆನೋವು ಇದ್ದಿದ್ದರಿಂದ ಹೊಟ್ಟೆನೋವು ತಾಳಲಾರದೆ ಬಾವಿಗೆ ಹಾರಿದ್ದಾಳೆ ಎಂದು ಹೇಳಲಾಗುತ್ತಿದೆ.ತಮ್ಮ ಮನೆಯ ಮುಂದೆಯೆ ಇರುವ ಪುರಾತನ ಬಾವಿಗೆ ಹಾರಿದ್ದು ಮನೆಯವರು ತುಂಬಾ ತಡವಾಗಿ ನೋಡಿದ್ದು ಅದಾಗಲೇ ಯುವತಿ ಸಾವನ್ನಪ್ಪಿದ್ದಳು ಎಂದು ಪ್ರತ್ಯಕ್ಷದರ್ಶಿಗಳು ಹೇಳುತ್ತಾರೆ.
Contact Your\'s Advertisement; 9902492681
ಘಟನೆಯ ಮಾಹಿತಿ ತಿಳಿದು ಸ್ಥಳಕ್ಕೆ ಸುರಪುರ ಠಾಣೆ ಪೊಲೀಸರು ಭೇಟಿ ನೀಡಿದ್ದಾರೆ,ಅಲ್ಲದೆ ಅಗ್ನಿಶಾಮಕ ದಳದ ಸಿಬ್ಬಂದಿ ಆಗಮಿಸಿ ಮೃತದೇಹವನ್ನು ಹೊರತೆಗೆದಿದ್ದು ಸುರಪುರ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ.ಘಟನಾ ಸ್ಥಳದಲ್ಲಿ ಯುವತಿ ಕುಟುಂಬಸ್ಥರ ಆಕ್ರಂದನ ಮುಗಿಲು ಮುಟ್ಟಿದ್ದು ಅನೇಕ ಜನರು ಕೂಡ ಯುವತಿಯ ಸಾವು ಕಂಡು ಕಣ್ಣೀರು ಹಾಕುತ್ತಿದ್ದಾರೆ