ಜೇವರ್ಗಿ :ತಾಲೂಕು ಕೇಂದ್ರದಿಂದ 45 ಕಿಲೋಮೀಟರ್ ಅಂತರದಲ್ಲಿರುವ ಗ್ರಾಮ ರಂಜಣಗಿ .ಗ್ರಾಮಕ್ಕೆ ಬಸ್ ಓಡಿಸಲು ವಿದ್ಯಾರ್ಥಿಗಳು ತಾಸಿಲ್ದಾರರು ಸೇರಿದಂತೆ ಜೇವರ್ಗಿ ಬಸ್ ಘಟಕದ ಅಧಿಕಾರಿಗಳಿಗೆ ಮನವಿ ಪತ್ರವನ್ನು ಸಲ್ಲಿಸಿದರು.
ಇಲ್ಲಿನ ಗ್ರಾಮದಿಂದ ದಿನಾಲು ನೂರಾರು ವಿದ್ಯಾರ್ಥಿಗಳು ಶಿಕ್ಷಣವನ್ನು ಪಡೆಯಲು ಶಾಲಾ-ಕಾಲೇಜುಗಳಿಗೆ . ಜೆವರ್ಗಿ ಪಟ್ಟಣಕ್ಕೆ ಬರುತ್ತಿದ್ದಾರೆ. ಅಲ್ಲದೆ ರೈತರು ತಮ್ಮ ಕೃಷಿ ಚಟುವಟಿಕೆಗಳಿಗಾಗಿ ತಾಲೂಕು ಕೇಂದ್ರಕ್ಕೆ ಬರುವ ಅನಿವಾರ್ಯತೆ ಇದೆ. ಅಲ್ಲದೆ ಮಹಿಳೆಯರು ಸೇರಿದಂತೆ ವೃದ್ಧರೂ ಸಹ ವೈದ್ಯಕೀಯ ಸೌಲಭ್ಯ ಪಡೆಯಲು ಚಿಕಿತ್ಸೆಯನ್ನು ಪಡೆಯಲು ತಾಲೂಕ ಆಸ್ಪತ್ರೆಗೆ ಆಗಮಿಸುತ್ತಿದ್ದು , ಬಸ್ಸಿನ ವ್ಯವಸ್ಥೆ ಇಲ್ಲದೆ ಇರುವುದರಿಂದ ಗ್ರಾಮಸ್ಥರು ತೊಂದರೆ ಅನುಭವಿಸುತ್ತಿದ್ದಾರೆ.
ಈ ಕುರಿತಂತೆ ಮನವಿ ಪತ್ರವನ್ನು ಸಲ್ಲಿಸಿದ ಗ್ರಾಮದ ವಿದ್ಯಾರ್ಥಿಗಳಾದ ರವಿಕುಮಾರ್, ತೌಸಿಫ್. ವಿಜಯಕುಮಾರ್, ಮಹಾಂತೇಶ್ ರಾಥೋಡ್, ಶರಣ್ ಕುಮಾರ್, ಸಾಹೇಬಗೌಡ ,ವಿಶಾಲ್ ಸೇರಿದಂತೆ ಇತರರು ಮನವಿ ಪತ್ರವನ್ನು ತಾಸಿಲ್ದಾರರು ಹಾಗೂ ಸಂಬಂಧಪಟ್ಟ ಇಲಾಖೆಗೆ ಸಲ್ಲಿಸುತ್ತಾ ಕೂಡಲೇ ಬಸ್ ಸಂಚಾರವನ್ನು ಆರಂಭಿಸಬೇಕೆಂದು ಮನವಿ ಮಾಡಿದ್ದಾರೆ.