ಕಲಬುರಗಿ: ದೇಶದಲ್ಲಿ ಸಂವಿಧಾನ ಜಾರಿಗೆ ಬಂದ ನಂತರ ಪ್ರತಿಭೆಗೆ ಅವಕಾಶ ಸಿಗುತ್ತಿದ್ದು, ಚಿತ್ರಕಲೆಯಲ್ಲಿ ಬಾಬಾ ಸಾಹೇಬರನ್ನು ಗುರುತಿಸುತ್ತಿರುವುದು ಉತ್ತಮ ಬೆಳವಣಿಗೆ ಎಂದು ಉಪನ್ಯಾಸಕ ನಿಜಲಿಂಗ ದೊಡ್ಮನಿ ಅಭಿಪ್ರಾಯಪಟ್ಟರು.
ನಗರದ ರಂಗಾಯಣದಲ್ಲಿ ಸ್ಲಂ ಜನಾಂದೋಲನ? ಕಲ್ಯಾಣ ಕರ್ನಾಟಕ ಜನಜಾಗ್ರತಿ ವೇದಿಕೆ ಹಾಗೂ ಮನಸ್ವಿ ಸಾಂಸ್ರ್ಕತಿಕ ನಾಟ್ಯ ಕಲಾವಿದರ ಸಂಘ ಏರ್ಪಡಿಸಿದ್ದ ಡಾ.ಬಾಬಾ ಸಾಹೇಬ ಅಂಬೇಡ್ಕರ್ ಅವರ ೧೩೧ನೇ ಜಯಂತ್ಯುತ್ಸವದ ಅಂಗವಾಗಿ ಏರ್ಪಡಿಸಿದ್ದ ಚಿತ್ರಕಲಾ ಶಿಬಿರದಲ್ಲಿ ಭಾಗವಹಿಸಿ ಮಾತನಾಡಿದರು.
ಬಾಬಾ ಸಾಹೇಬರು ಈ ದೇಶಕ್ಕಾಗಿ ಸಲ್ಲಿಸಿದ ಸೇವೆ ಅವಿಸ್ಮರಣೀಯ. ಬಹುಜನರು ಜಾಗ್ರತರಾಗುವುದರ ಮೂಲಕ ಬಾಬಾ ಸಾಹೇಬರ ವಿಚಾರಗಳು ಜೀವಂತವಾಗಿರಿಸಬೇಕು. ಬಾಬಾ ಸಾಹೇಬರನ್ನು ಕಲಾವಿದರು ತಮ್ಮ ಕೈ ಚಳಕದಲ್ಲಿ ಚಿತ್ರಿಸಲಿ ಎಂಬ ಉದ್ದೇಶದಿಂದ ಈ ಕಾರ್ಯಕ್ರಮ ಆಯೋಜಿಸಲಾಗಿದೆ. ಕಲೆ ಯಾರ ಸೊತ್ತಲ್ಲ ಎಂಬುವುದನ್ನು ಎಲ್ಲರೂ ತಿಳಿದುಕೊಳ್ಳಬೇಕು.
ಸಂವಿಧಾನ ಜಾರಿಯಾದ ಮೇಲೆ ಎಲ್ಲ ವರ್ಗದ ಜನರೂ ಕೂಡ ಯಾವ ವ್ರತ್ತಿಯಾದರೂ ಮಾಡಬಹುದು ಎಂದು ಬರೆದ ಡಾ.ಅಂಬೇಡ್ಕರ್ ಚಿಂತನೆ ಗಮನಾರ್ಹವಾದದ್ದು. ಈ ದೇಶದ ಮೇಲ್ವರ್ಗದವರಿಗೂ ಕೂಡ ಬಾಬಾ ಸಾಹೇಬರು ಹಕ್ಕುಗಳನ್ನು ನೀಡಿದ್ದಾರೆ. ಎಲ್ಲವನ್ನು ಪಡೆದುಕೊಂಡಿರುವ ಜನರು ಅವರನ್ನು ಮರೆಯುತ್ತಿರುವುದು ವಿಷಾಧನಿಯ ಎಂದರು.
ಕಾರ್ಯಕ್ರಮವನ್ನು ಅಖಿಲ ಭಾರತ ವೀರಶೈವ ಮಹಾಸಭಾ ಜಿಲ್ಲಾಧ್ಯಕ್ಷ ಶರಣಕುಮಾರ ಮೋದಿ? ಸ್ಲಂ ಜನಾಂದೋಲನದ ಜಿಲ್ಲಾಧ್ಯಕ್ಷ ಅಲ್ಲಮಪ್ರಭು ನಿಂಬರ್ಗಾ? ಕಕ ಜನಜಾಗ್ರತಾ ವೇದಿಕೆ ಅಧ್ಯಕ್ಷ ಗುರಣ್ಣ ಐನಾಪುರ? ಕಲಾವಿದ ಸೂರ್ಯಕಾಂತ ನಂದೂರ? ಹಣಮಂತ ನಿಂಬರ್ಗಾ? ಬಾಬು ದಂಡಿನಕರ್? ಮಲ್ಲಿಕಾರ್ಜುನ ಕೆರಮಗಿ? ಜಿ ಶಿವಶಂಕರ್? ವಿಕ್ರಂ ಗೋಕುಲಕರ್? ವಿಕ್ರಂ ಒಂಟಿ? ಅಶೋಕ ಹರನಾಳ? ಡಾ.ಅಶೋಕ ದೊಡ್ಮನಿ ಸೇರಿದಂತೆ ಇತರರು ಇದ್ದರು. ಅಶೋಕ ಚಿತ್ತೋಡಿ ಸ್ವಾಗತಿಸಿದರು. ಗಂಗಮ್ಮ ಪ್ರಾರ್ಥಿಸಿದರು. ಲಕ್ಷ್ಮಿ ಬಿ ನಿರೂಪಿಸಿದರು.