ಲಿಂಗಸೂಗೂರ: ಬಾಬಾ ಸಾಹೇಬ ಡಾ.ಅಂಬೇಡ್ಕರ್ ಅವರು ಸಾಯುವ ಕೊನೆಗಳಿಗೆಯಲ್ಲಿಯೂ ಸಹ ಈ ದೇಶದ ಜನರ ಬದುಕಿನ ಬಗ್ಗೆ ಚಿಂತಿಸಿದ ಮಹಾನ್ ದೇಶಪ್ರೇಮಿಯಾಗಿದ್ದಾರೆ ಎಂದು ಉಪನ್ಯಾಸಕ ನಿಜಲಿಂಗ ದೊಡ್ಮನಿ ಅಭಿಪ್ರಾಯಪಟ್ಟರು.
ಛಲವಾದಿ ಯುವ ಬ್ರಿಗೇಡ್ ತಾಲ್ಲೂಕ ಸಮಿತಿ ವತಿಯಿಂದ ಪಟ್ಟಣದ ಸಾಂಸ್ರ್ಕತಿಕ ಭವನದಲ್ಲಿ ರವಿವಾರ ಏರ್ಪಡಿಸಿದ್ದ ಸಂವಿಧಾನ ಸಂರಕ್ಷಣಾ ಸಮಾವೇಶವನ್ನು ಉದ್ಘಾಟಿಸಿ ಮಾತನಾಡಿದರು.
ದೇಶದ ಶೋಷಿತರು ಸ್ವಾಭಿಮಾನದ ಬದುಕು ಕಟ್ಟಿಕೊಳ್ಳುವುದರ ಮೂಲಕ ಆರ್ಥಿಕವಾಗಿ ಸ್ವಾವಲಂಭನೆಯಾಗಬೇಕು.ದೇಶವನ್ನು ಯಾವುದೇ ಧರ್ಮˌ ಜಾತಿಗೆ ಸೀಮಿತ ಮಾಡದ ಸಂವಿಧಾನ ತಜ್ಞ ಡಾ.ಬಾಬಾಸಾಹೇಬ ಅಂಬೇಡ್ಕರ್ ಅವರು ಎಲ್ಲ ಧರ್ಮದ ಜನರ ಸ್ವತ್ತಾಗಿ ಮಾಡಿದ್ದಾರೆ. ದೇಶದ ಎಲ್ಲ ವರ್ಗದ ಜನರಿಗೆ ಅಧಿಕಾರವನ್ನು ಹಂಚಿಕೊಟ್ಟಿದ್ದಾರೆ. ಆಯಾ ವರ್ಗದ ಜನಸಂಖ್ಯೆಗನುಗುಣವಾಗಿ ಸೌಲಭ್ಯ ನೀಡಿದ್ದಾರೆ. ದೇಶದ ಬಗ್ಗೆ ಮುಂದಾಲೋಚನೆ ಹೊಂದಿದ್ದ ಬಾಬಾ ಸಾಹೇಬರು ಹಲವು ಯೋಜನೆಗಳನ್ನು ದೇಶದ ಜನರಿಗೆ ನೀಡಿದ್ದಾರೆ. ಡಾ.ಅಂಬೇಡ್ಕರ್ ಅವರು ಸಾಯುವ ಕೊನೆಗಳಿಗೆಯಲ್ಲಿಯೂ ಸಹ ಈ ದೇಶದ ಜನರ ಬದುಕಿನ ಬಗ್ಗೆ ಚಿಂತಿಸಿದ್ದಾರೆ ಎಂದರು.
ಈ ವೇಳೆ ಶಾಸಕ ಡಿ.ಎಸ್ ಹೂಲಗೇರಿˌ ಛಲವಾದಿ ಯುವ ಬ್ರಿಗೇಡ್ ಜಿಲ್ಲಾಧ್ಯಕ್ಷ ಕೆ ಕುಮಾರˌ ತಾಲೂಕಾಧ್ಯಕ್ಷ ರೇವಣಸಿದ್ದಪ್ಪ ಗೌಡೂರ ಮುಖಂಡರಾದ ಭೂಪನಗೌಡ ಪಾಟೀಲˌ ಶ್ರೀನಿವಾಸ ಅಮ್ಮಾಪುರˌ ಶರಣಬಸವ ಭಟ್ಟರˌ ಹೆಚ್.ಬಿ ಮುರಾರಿˌ ಹುಚ್ಚೇಶ ಕವಿತಾಳˌ ಪಂಪಾಪತಿ ಪರಂಗಿˌ ಯಲ್ಲಪ್ಪ ವಂದಲಿˌ ಅಮರೇಶ ಕುಪ್ಪಿಗುಡ್ಡˌ ಬಸವರಾಜ ಬಸ್ಸಾಪುರˌ ಜಮದಗ್ನಿ ಸೇರಿದಂತೆ ಇತರರು ಇದ್ದರು.