ಜೇವರ್ಗಿ: ತಾಲೂಕಿನ ನೆಲೋಗಿ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಬರುವ ಮಾವನೂರ ಗ್ರಾಮದ ಸಿದ್ದಪ್ಪ ತಂದೆ ನಿಂಗಪ್ಪ ಸೀತಾಳ ಎಂಬುವವರ ಮನೆ ಕಳ್ಳತನವಾಗಿದೆ.
ಬಡ ಆಟೋ ಚಾಲಕನಾದ ಸಿದ್ದಪ್ಪ ತಂದೆ ನಿಂಗಪ್ಪ ಸೀತಾಳ ಕಷ್ಟ ಪಟ್ಟು ದುಡಿದು ತನ್ನ 3 ಜನ ಹೆಣ್ಣು ಮಕ್ಕಳ ಭವಿಷ್ಯಕಾಗಿ ಕೂಡಿಟ್ಟ ಹಣ ಕಳ್ಳರ ಪಾಲಾಗಿದೆ. ಕುಟುಂಬಸ್ಥರು ಬೇಸಿಗೆ ದಗೆಯಿಂದಾಗಿ ಪತ್ರಸ್ ಮನೆ ಹೊರಗಡೆ ಮಲಗಿರುವಾಗ ಮಧ್ಯರಾತ್ರಿ ಸುಮಾರು 12 ಗಾಢನಿದ್ರೆಯಲ್ಲಿ ಮಲಗಿರುವಾಗ ಕದೀಮರು ಕೈಚಳಕ ತೋರಿದ್ದಾರೆ .ಮನೆಯ ಹಿಂಭಾಗದಿಂದ ಒಳಗೆ ಬಂದು ಕಳ್ಳನು ಮೇಲ್ಚಾವಣಿ ಶೆಡ್ಡನ್ನು ಕಿತ್ತಿ ಒಳಗೆ ನುಸುಳಿ ಮನೆಯಲ್ಲಿ ಇರುವ ಸುಮಾರು 20 ಸಾವಿರ ರೂಪಾಯಿ ಮೌಲ್ಯದ ವಸ್ತುಗಳು ಮತ್ತು ನಗದು ಹಣವನ್ನು ದೋಚಿ ನಿಶಬ್ದವಾಗಿ ಪರಾರಿಯಾಗಿದ್ದಾರೆ.
ಮನೆಯವರಿಗೆ ಕಿಂಚಿತ್ತು ಸುಳಿಯು ಸಿಗದಂತೆ ಪರಾರಿಯಾದ ಕಳ್ಳರು 20ಸಾವಿರ ನಗದು ರೂಪಾಯಿಗಳು ಸೇರಿದಂತೆ 6 ಗ್ರಾಂ ಚಿನ್ನ ಮತ್ತು 21 ಸಾವಿರ ಮೌಲ್ಯದ ಒಪ್ಪೋ ಮೊಬೈಲ್ ಕಳ್ಳತನ ಮಾಡಿ ಪರಾರಿಯಾಗಿದ್ದಾರೆ .
ಈ ಕುರಿತು ನೆಲೋಗಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಕಳ್ಳರ ಶೋಧದಲ್ಲಿ ತೊಡಗಿದ್ದಾರೆ. ಎಂದು ತಿಳಿದುಬಂದಿದೆ. ಪೊಲೀಸರು ಬೇಗನೆ ಕಳ್ಳರನ್ನು ಪತ್ತೆಹಚ್ಚಿ ಅವರನ್ನು ಬಂದಿಸಿ ವಿಚಾರಣೆ ನಡೆಸಿ ನನಗೆ ನ್ಯಾಯ ಕೊಡಿಸುತ್ತಾರೆ ಎಂದು ನಂಬಿದೇನೆ ಎಂದು ಸಿದ್ದಪ್ಪ ಸೀತಾಳ ಉದಯಕಾಲ ಸುದ್ದಿವಾಹಿನಿಗೆ ತಿಳಿಸಿದ್ದಾರೆ.