ಸುರಪುರ:ನಗರದ ದೀವಳಗುಡ್ಡದಲ್ಲಿನ ಪಿಡ್ಡಣ್ಣ ಮುತ್ಯಾ ದೇವಸ್ಥಾನದ ಬಳಿಯಲ್ಲಿ ರೈತನೊಬ್ಬ ವಿಷ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ನಡೆದಿದೆ.ಮೃತ ವ್ಯಕ್ತಿ ತಾಲೂಕಿನ ಚಂದ್ಲಾಪುರ ಗ್ರಾಮದ ಮಡಿವಾಳಪ್ಪ (೨೪ ವರ್ಷ) ಎಂದು ಹೇಳಲಾಗಿದೆ.
ಬುಧವಾರ ಬೆಳಿಗ್ಗೆ ದೇವಸ್ಥಾನಕ್ಕೆ ಹೋದಾಗ ಶವವನ್ನು ಕಂಡು ಪೊಲೀಸರಿಗೆ ಮಾಹಿತಿ ನೀಡಿದ್ದು ಸ್ಥಳಕ್ಕೆ ಪೊಲೀಸರು ಭೇಟಿ ನೀಡಿದ್ಧಾರೆ.ಅಲ್ಲದೆ ಮೃತ ವ್ಯಕ್ತಿ ಸಂಬಂಧಿಕರು ಆಗಮಿಸಿ ಶವವನ್ನು ತಾಲೂಕು ಆಸ್ಪತ್ರೆಯ ಶವಾಗಾರಕ್ಕೆ ಸಾಗಿಸಿದ್ದಾರೆ.
ಮೃತನ ಪತ್ನಿ ಪೊಲೀಸರಿಗೆ ದೂರು ನೀಡಿದ್ದು ಮೃತ ವ್ಯಕ್ತಿ ಮಡಿವಾಳಪ್ಪ ಅಗಸರ ೩ ಎಕರೆ ೧೧ ಗುಂಟೆ ಜಮೀನು ಹೊಂದಿದ್ದು ರಂಗಂಪೇಟೆಯ ಎಸ್.ಬಿ.ಐ ಎಡಿಬಿ ಬ್ಯಾಂಕ್‌ಲ್ಲಿ ೪೦ ಸಾವಿರ ಹಾಗೂ ಖಾಸಗಿಯವರ ಬಳಿಯನ್ನು ಸುಮಾರು ೪ ರಿಂದ ೫ ಲಕ್ಷದಷ್ಟು ಸಾಲ ಮಾಡಿದ್ದು ಸರಿಯಾಗಿ ಬೆಳೆ ಬಾರದೇ ನಷ್ಟವಾಗಿದ್ದರಿಂದ ಸಾಲದ ಕುರಿತು ಸದಾಕಾಲ ಚಿಂತಿಸುತ್ತಿದ್ದನು,ಈಗ್ಗೆ ಕಳೆದ ಒಂದು ವಾರದಿಂದ ಸಾಲಕ್ಕೆ ಹೆದರಿ ಮನೆ ಬಿಟ್ಟು ಹೋಗಿದ್ದ,ಆದರೆ ಈಗ ದೀವಳಗುಡ್ಡದ ಪಿಡ್ಡಣ್ಣ ಮುತ್ಯಾ ದೇವಸ್ಥಾನದಲ್ಲಿ ವಿಷ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ ದೂರಿನಲ್ಲಿ ತಿಳಿಸಿದ್ದು,ಈ ಕುರಿತು ಸುರಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.