ಕಲಬುರಗಿ: ಇತ್ತಿಚೆಗೆ ಅಮೇರಿಕಾದ ನ್ಯೂಯಾರ್ಕನಲ್ಲಿ ನಡೆದ 36% Chelsea International Art Competition ನಲ್ಲಿ ಕಲಬುರಗಿ ನಗರದ ಚಿತ್ರಕಲಾವಿದ ಹಾಗೂ ಗುಲ್ಬರ್ಗಾ ವಿಶ್ವವಿದ್ಯಾಲಯದ ಅಥಿತಿ ಉಪನ್ಯಾಸಕ ಡಾ. ಶಾಹದ್‌ ಪಾಶಾ ಅವರ ಉತ್ತಮ ಚಿತ್ರ ಕಲಾಕೃತಿಗೆ ಅ೦ತರಾಷ್ಟೀಯ ಪ್ರಶಸ್ತಿ ಹಾಗೂ 1000 ಡಾಲರ್‌ ನಗದು ಬಹುಮಾನ ಲಭಿಸಿದೆ.
ಇವರು ರಾಮಾಯಣ ಮತ್ತು ಮಹಾಭಾರತ ಅಲ್ಲದೆ ಸಾಮಾಜಿಕ ವಿಷಯನ್ನಾಧಾರಿತ ಅನೇಕ ಕಲಾಕೃತಿಗಳಿಗೆ ಸುಮಾರು ಐವತ್ತಕ್ಕು ಹಚ್ಚಿನ ಬಹುಮಾನಗಳನ್ನು ತಂದುಕೊಟ್ಟಿದ್ದು, ಇವರ ಸಾಧನೆಗೆ ಗುಲ್ಬರ್ಗಾ ವಿಶ್ವವಿದ್ಯಾಲಯದ ಕುಲಪತಿಗಳಾದ ಪೊ. ದಯಾನಂದ ಅಗಸರ, ಕುಲಸಚಿವರಾದ ಪ್ರೊ. ವಿ.ಟಿ ಕಾಂಬ್ಳೆ, ವಿದ್ಯಾರ್ಥಿ ಕಲ್ಯಾಣಾಧಿಕಾರಿ ಪ್ರೊ. ಕೆ. ಲಿ೦ಗಪ್ಪಾ, ದೃಶ್ಯಕಲಾ ಅಧ್ಯಯನದ ವಿಭಾಗದ ಸಂಯೋಜಕರಾದ ಡಾ. ಅಬ್ದುಲ್‌ ರಬ್‌ ಉಸ್ತಾದ್‌ ಹಾಗೂ ನಗರದ ಅನೇಕ ಕಲಾವಿದರು ಅಭಿನಂದನೆ ಸಲ್ಲಿಸಿದರು.
