ಕಲಬುರಗಿ: ಎ.ಜೆ. ಸದಾಶಿವ ಆಯೋಗ ಜಾರಿ ಮಾಡಬೇಕು ಎಂದು ಆಗ್ರಹಿಸಿ ಇದೇ 15 ರಂದು ಅಫಜಲಪುರದಿಂದ ಕಲಬುರಗಿ ವರೆಗೆ ಪಾದಯಾತ್ರೆ ಹಮ್ಮಿಕೊಳ್ಳಲಾಗಿದೆ ಎಂದು ಡಿಎಂಎಂಎಸ್‍ ತಾಲ್ಲೂಕು ಸಮಿತಿಯ ಅಧ್ಯಕ್ಷ ದತ್ತು ಕೆ.ಐ ಹೊಳೆ ತಿಳಿಸಿದರು.
ಎ.ಜೆ ಸದಾಶಿವ ಆಯೋಗಜಾರಿ ಮಾಡಬೇಕೆಂದು ಕಳೆದ 3 ದಶಕಗಳಿಂದ ರಾಜ್ಯದಲ್ಲಿಇದುವರೆಗೂ ಅನೇಕ ರೀತಿಯಿಂದ ಹೋರಾಟ ಮಾಡಲಾಗಿದೆ.ಆದರೆ ಸರ್ಕಾರ ಮಾತ್ರಇದಕ್ಕೆಯಾವುದೇರೀತಿಯಲ್ಲಿ ಸಕಾರಾತ್ಮಕವಾಗಿ ಸ್ಪಂದಿಸದಿರುವುದು ಮಾದಿಗ ಸಮಾಜದ ಹೋರಾಟಗಾರರಆಕ್ರೋಶಕ್ಕೆ ಸರ್ಕಾರಕಾರಣವಾಗಿದೆಎಂದು ಸೋಮವಾರ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.
ಸದಾಶಿವ ಆಯೋಗಜಾರಿಯಾದರೆ ಲಂಬಾಣಿ ಮತ್ತು ಭೋವಿ ಜನಾಂಗದವರು ಎಸ್‍ಸ್ಸಿ ಪಟ್ಟಿಯಿಂದ ಹೊರಗುಳಿಯುತ್ತಾರೆ ಎಂಬ ಅಪ ನಂಬಿಕೆ ಹೊಂದಿದ್ದಾರೆ. ಸದಾಶಿವ ಆಯೋಗದ ಪ್ರಕಾರಜನ ಸಂಖ್ಯಾಗನುಗುಣವಾಗಿ ಒಳ ಮೀಸಲಾತಿಯನ್ನುಅತ್ಯಂತ ಪಾರದರ್ಶಕತೆಯಿಂದಎಲ್ಲರಿಗೂ ಸಮಾನವಾದ ನ್ಯಾಯವನ್ನು ನೀಡುವಂತಹ ವರದಿ ಎ.ಜೆ ಸದಾಶಿವ ಆಯೋಗದ ವರದಿಯಾಗಿದೆ ಆದ್ದರಿಂದ ಇದರ ಜಾರಿ ಕುರಿತು 15 ರಂದು ಸುಮಾರು 200 ಜನರನ್ನೊಳಗೊಂಡು ಅಫಜಲಪುರದಿಂದ ಪಾದಯಾತ್ರೆ ಆರಂಭಿಸಿ 17 ರಂದು ಬೆಳಿಗ್ಗೆ 10 ಗಂಟೆಗೆ ಕಲಬುರಗಿಗೆ ಆಗಮಿಸಿ ಜಿಲ್ಲಾಧಿಕಾರಿ ಮೂಲಕ ಮುಖ್ಯಮಂತ್ರಿಗೆ ಮನವಿ ಸಲ್ಲಿಸಲಾಗುವುದುಎಂದು ತಿಳಿಸಿದರು.
ಶ್ರೀಮಂತ ಭಂಡಾರಿ, ಶಿವಶಂಕರ ಐಹೊಳೆ, ಯಮನಪ್ಪಎಸ್. ಪಾಟೋಳಿ, ಪರಶುರಾಮ ಡಿ.ಹಡಲಗಿ, ನಿಂಗಪ್ಪ ಪಾಟೋಳಿ ಗುಂಡಪ್ಪಗಂಧೇನವರ ಸೇರಿದಂತೆ ಇತರರಿದ್ದರು.