ಕಲಬುರಗಿ: ಎಸ್.ಯು.ಸಿ.ಐ(ಸಿ) ಕಲಬುರಗಿ ಸ್ಥಳೀಯ ಸಮಿತಿಯಿಂದ ನಾಳೆ ಕಾರ್ಮಿಕ ವರ್ಗದ ಮಹಾನ್ ನಾಯಕ, ಶ್ರೇಷ್ಠ ಮಾರ್ಕ್ಸ್ ವಾದಿ ಚಿಂತಕ ಮತ್ತು ಸೋಷಲಿಸ್ಟ್ ಯೂನಿಟಿ ಸೆಂಟರ್ ಆಫ್ ಇಂಡಿಯಾ(ಕಮ್ಯುನಿಸ್ಟ್) ಪಕ್ಷದ ಸಂಸ್ಥಾಪನಾ ಕಾರ್ಯದರ್ಶಿ ಕಾಮ್ರೆಡ್ ಶಿವದಾಸ ಘೋಷ್‌ರವರ 44ನೇ ಸ್ಮರಣ ಸಭೆಯ ಕಾರ್ಯಕ್ರಮ ಹಮ್ಮಿಕೊಂಡಿದೆ ಎಂದು ಸಮಿತಿಯ ಸದಸ್ಯ ಹಣಮಂತ ಎಸ್.ಎಚ್ ಅವರು ತಿಳಿಸಿದ್ದಾರೆ.
ನಾಳೆ 8 ರಂದು ಸಮಿತಿಯ ಕಚೇರಿಯಲ್ಲಿ ಅಪರಾಹ್ನ11.30ಕ್ಕೆ ಕಾರ್ಯಕ್ರಮ ಜರುಗಲಿದ್ದು, ಮುಖ್ಯಭಾಷಣಕಾರ ರಾಜ್ಯ ಸಮಿತಿ ಸದಸ್ಯ ಹಾಗೂ ಕಲಬುರಗಿ ಜಿಲ್ಲಾ ಕಾರ್ಯದರ್ಶಿ ಕಾಮ್ರೆಡ್ ಎಚ್.ವ್ಹಿ. ದಿವಾಕರ ರವರು ಆಗಮಿಸಲಿದ್ದು, ಜಿಲ್ಲಾ ಸಮಿತಿ ಸದಸ್ಯ ಕಾಮ್ರೆಡ್ ಮಹೇಶ ನಾಡಗೌಡ, ಸ್ಥಳೀಯ ಕಾರ್ಯದರ್ಶಿ, ಕಾಮ್ರೆಡ್ ಎಸ್.ಎಂ. ಶರ್ಮಾ, ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಲಿದ್ದಾರೆಂದು ಸಮಿತಿ ಪ್ರಕಟಣೆಯಲ್ಲಿ ತಿಳಿಸಿದೆ.
ಕಾರ್ಯಕ್ರಮಕ್ಕೆ ನಗರದ ವಿವಿಧ ಬಡಾವಣೆ, ನಗರಗಳಿಂದ ಪಕ್ಷದ ಕಾರ್ಯಕರ್ತರು, ಬೆಂಬಲಿಗರು, ಹಿತೈಷಿಗಳು ವಿದ್ಯಾರ್ಥಿ, ಯುವಜನರು, ಮಹಿಳೆಯರು ಭಾಗವಹಿಸಲು ಕೋರಿದ್ದಾರೆ.