ಕಾಳಗಿ : ಚಿಂಚೋಳಿ ವಿಧಾನಸಭಾ ಕ್ಷೇತ್ರದಲ್ಲಿ ನಾಳೆ ಮಾಜಿ ಮುಖ್ಯ ಮಂತ್ರಿ ಹಾಗೂ ವಿರೋಧ ಪಕ್ಷದ ನಾಯಕರಾದ ಸಿದ್ಧರಾಮಯ್ಯ ರವರ ನೇತೃತ್ವದಲ್ಲಿ ಪ್ರಜಾದ್ವನಿ ಯಾತ್ರೆಯ ಬಹಿರಂಗ ಸಭೆ ನಡೆಯುತ್ತಿದ್ದು. ಈ ಕಾರ್ಯಕ್ರಮದ ನಿಮಿತ್ಯ ಕಾಳಗಿಯ ಕಾಂಗ್ರೆಸ್ ಕಚೇರಿಯಲ್ಲಿ ಪೂರ್ವಭಾವಿ ಸಭೆ ಹಮ್ಮಿಕೊಳಲಾಗಿತ್ತು.
ಸಭೆಯನ್ನು ಉದ್ದೇಶಿಸಿ ಮಾತನಾಡಿದ ಮಾಜಿ ಜಿಲ್ಲಾ ಪಂಚಾಯತ್ ಸದಸ್ಯರಾದ ರಾಜೇಶ್ ಜೆ. ಗುತ್ತೇದಾರ
ಈ ಯಾತ್ರೆಗೆ ಕಾಳಗಿ ತಾಲೂಕಿನಿಂದ ಸುಮಾರು 500 ಬೈಕ್ ನೊಂದಿಗೆ ನಾಳೆ ಬೆಳ್ಳಿಗೆ 10 ಗಂಟೆಗೆ ಕಾಳಗಿಯ ನೀಲಕಂಠ ಕಾಳೇಶ್ವರ ದೇವಸ್ಥಾನದಿಂದ ಚಿಮ್ಮಇದಲಾಯಿ ಕ್ರಾಸ್ ವರೆಗೆ ಯುವ ಕಾಂಗ್ರೆಸ್ ಕಾರ್ಯಕರ್ತರಿಂದ ಬೃಹತ್ ಮಟ್ಟದಲ್ಲಿ ಬೈಕ್ ರ್ಯಾಲಿ ಹಮ್ಮಿಕೊಳ್ಳಲಾಗಿದೆ. ಎಂದು ತಿಳಿಸಿದ್ದರು.
ಈ ಸಂಧರ್ಭದಲ್ಲಿ ಕಾಳಗಿ ತಾಲೂಕ ಯುವ ಕಾಂಗ್ರೇಸ್ ಅಧ್ಯಕ್ಷರಾದ ಶರಣು ಮಜ್ಜಿಗಿ, ಕಾಳಗಿ ನಗರ ಘಟಕದ ಅಧ್ಯಕ್ಷರಾದ ವೇದಪ್ರಕಾಶ್ ಮೋಟಗಿ, ಕಾಳಗಿ ತಾಲೂಕ ಕಾಂಗ್ರೇಸ್ ವಕ್ತಾರರಾದ ರಾಘವೇಂದ್ರ ಡಿ. ಗುತ್ತೇದಾರ
ಕಾಳಗಿ ಎಸ್ಸಿ ಎಸ್ ಟಿ ಅಧ್ಯಕ್ಷರಾದ ಶಿವಕುಮಾರ್ ಚಿಂತಕೋಟಿ 5 ನೇ ವಾರ್ಡ್ ನ ಅಧ್ಯಕ್ಷರಾದ ರವಿದಾಸ್ ಪತಂಗೆ, ಸಂತೋಷ ಪತಂಗೆ ಸೇರಿದಂತೆ ಅನೇಕ ಮುಖಂಡರು ಹಾಗೂ ಕಾರ್ಯಕರ್ತರು ಉಪಸ್ಥಿತರಿದ್ದರು.
