ಕಲಬುರಗಿ: ವಿವಿಧ ಪತ್ರಿಕೆಗಳಲ್ಲಿ ಪ್ರಿಂಟರ್‌ರಾಗಿ ಸೇವೆಸಲ್ಲಿಸಿದ ಹಿರಿಯರಾದ ಆನಂದ ರಾಜಪ್ಪ (69) ಅವರು ಶನಿವಾರ ಸಂಜೆ 6 ಗಂಟೆ ಸುಮಾರಿಗೆ ವಿಜಯವಿದ್ಯಾಲಯದ ಕಾಂಪೌಂಡ್‌ನಲ್ಲಿ ಇರುವ ಅವರ ನಿವಾಸದಲ್ಲಿ ನಿಧನರಾಗಿದ್ದಾರೆ.
ಅವಿವಾಹಿತರಾಗಿದ್ದ ಅವರು ತಮ್ಮ ಸಹೋದರಿ ಸೇರಿದಂತೆ ಅಪಾರ ಬಂಧು ಬಳಗವನ್ನು ಅಗಲಿದ್ದಾರೆ. ಆನಂದ ಅವರು ಗ್ರಿನೋಬಲ್ಸ್ ಪತ್ರಿಕೆ, ಸಂಜೆವಾಣಿ ಪತ್ರಿಕೆ, ಮಧುರವಾಣಿ ಪತ್ರಿಕೆ ಹಾಗೂ ಇನ್‌ಕ್ಲಾಬ್ ಎ ಡೆಕ್ಕನ್ ಪತ್ರಿಕೆಗಳಲ್ಲಿ ಮುಖ್ಯ ಪ್ರಿಂಟರ್‌ರಾಗಿ ಸೇವೆ ಸಲ್ಲಿಸಿದ್ದರು.
ನಂದ ರಾಜಪ್ಪ ಅವರ ನೆರಳಲ್ಲಿ ಅನೇಕ ಜನರು ಪ್ರಿಂಟಿಂಗ್ ಅನುಭವ ಪಡೆದುಕೊಂಡು ತಮ್ಮ ಜೀವನವನ್ನು ಕಟ್ಟಿಕೊಂಡಿದ್ದಾರೆ. ಮೃತರ ಅಂತ್ಯಕ್ರಿಯೆ ನಾಳೆ 7 ರಂದು ಮಧ್ಯಾಹ್ನ 2 ಗಂಟೆಗೆ ನಗರದ ವೆಂಕಟೇಶನಗರದ ಕ್ರಿಶನ್ ಸಮುದಾಯ ಸ್ಮಶಾನ ಭೂಮಿಯಲ್ಲಿ ಕ್ರೈಸ್ತ ಸಂಪ್ರದಾಯದಂತೆ ನೆರವೇರಿಸಲಾಗುವದು ಎಂದು ಕುಟುಂಬದವರು ತಿಳಿಸಿದ್ದಾರೆ.
ಆನಂದ ಅವರ ನಿಧನಕ್ಕೆ ಜಿಲ್ಲಾ ಸಂಪಾದಕರ ಹಾಗೂ ಪ್ರಾದೇಶಿಕ ಪತ್ರಿಕೆಗಳ ಸಂಪಾದಕರ ಸಂಘ ಹಾಗೂ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘ ಸೇರಿದಂತೆ ಅನೇಕರು ಕಂಬನಿ ಮಿಡಿದಿದ್ದಾರೆ.