ಸುರಪುರ: ನಗರದ ಝಂಡದಕೇರಾದ ಸಂತ್ರಸವಾಡಿ ಬಳಿಯಲ್ಲಿನ ಖಬರಸ್ಥಾನದಲ್ಲಿ ನವಜಾತ ಶಿಶುವಿನ ಶವ ಪತ್ತೆಯಾಗಿದ್ದು ಸಾರ್ವಜನಿಕರಲ್ಲಿ ಆಶ್ಚರ್ಯ ಮೂಡಿಸಿದೆ.
ಸೋಮವಾರ ಬೆಳಿಗ್ಗೆ ಪ್ಲಾಸ್ಟಿಕ್ ವಸ್ತುಗಳನ್ನು ಆಯುವವರು ಈ ಸ್ಥಳಕ್ಕೆ ಹೋದಾಗ ನವಜಾತ ಶಿಶುವಿನ ಶವ ನೋಡಿ ಬೆಚ್ಚಿಬಿದ್ದು ಓಡಿ ಬಂದು ಅಲ್ಲಿರುವ ಜನರಿಗೆ ತಿಳಿಸಿದ್ದಾರೆ.ನಂತರ ಸ್ಥಳಕ್ಕೆ ಅನೇಕ ಜನರು ಆಗಮಿಸಿ ಶಿಶುವಿನ ಶವ ಕಂಡು ಎಸೆದು ಹೋದವರ ಕುರಿತು ಬೇಸರ ವ್ಯಕ್ತಪಡಿಸಿ ಪೊಲೀಸರಿಗೆ ಕರೆ ಮಾಡಿ ಮಾಹಿತಿ ನೀಡಿದ್ದಾರೆ.
Contact Your\'s Advertisement; 9902492681
ನಂತರ ಸ್ಥಳಕ್ಕೆ ಪಿ.ಎಸ್.ಐ ಶರಣಪ್ಪ ಹವಲ್ದಾರ ಹಾಗು ಸಿಬ್ಬಂದಿಗಳು ಆಗಮಿಸಿ ಶಿಶುವಿನ ಶವವನ್ನು ತಾಲೂಕು ಆಸ್ಪತ್ರೆಗೆ ಕಳುಹಿಸಿ ನಂತರ ಆಸ್ಪತ್ರೆಯ ಹಿಂಬಾಗದಲ್ಲಿ ಅಂತ್ಯಸಂಸ್ಕಾರ ನೆರವೇರಿಸಲಾಗಿದೆ ಎಂದು ತಿಳಿದುಬಂದಿದೆ.
ನವಜಾತ ಶಿಶುವನ್ನು ಎಸೆದು ಹೋಗಿರುವ ಹೆತ್ತವರ ಕುರಿತು ಝಂಡದಕೇರಾ ನಿವಾಸಿ ಆಕಾಶ ಕಟ್ಟಿಮನಿ ಮತ್ತಿತರರು ಬೇಸರ ವ್ಯಕ್ತಪಡಿಸಿ ಜನರು ಓಡಾಡುವ ಸ್ಥಳದಲ್ಲಿ ಈ ರೀತಿ ಶವ ಎಸೆದು ಹೋದವರಿಗೆ ಕಠಿಣ ಶಿಕ್ಷೆ ನೀಡಬೇಕು ಎಂದು ಆಗ್ರಹಿಸಿದ್ದಾರೆ.
