ವಚನ ವಿಜಯೋತ್ಸವ: ಪೂರ್ವಭಾವಿ ಸಭೆ

ಕಲಬುರಗಿ: ಬಸವ ಸೇವಾ ಪ್ರತಿಷ್ಠಾನ ಬಸವಗಿರಿ, ಬೀದರದಲ್ಲಿ  ದಿನಾಂಕ 10, 11, 12ನೇ ಫೆಬ್ರವರಿ 2025 ರಂದು ನಡೆಯಲಿರುವ ವಚನ  ವಿಜಯೋತ್ಸವ 2025 ಕಾರ್ಯಕ್ರಮಕ್ಕಾಗಿ ಕಲಬುರಗಿಯಲ್ಲಿ ಪೂರ್ವಭಾವಿ ಸಭೆ ಕರೆಯಲಾಗಿದೆ ಎಂದು ಬಸವ ಸೇವಾ ಪ್ರತಿಷ್ಠಾನದ ಡಾ. ಗಂಗಾಂಬಿಕ ಅಕ್ಕನವರು ತಿಳಿಸಿದ್ದಾರೆ.

 ಹೊಸ ವರ್ಷದ ದಿನದರ್ಶಿಕೆ ಬಿಡುಗಡೆಯ ಪ್ರಯುಕ್ತ ದಿನಾಂಕ 5.01.2025 ರವಿವಾರದಂದು ಮುಂಜಾನೆ 11 ಗಂಟೆಗೆ ಕಲಬುರಗಿ ಬಸವ ಸಮಿತಿಯ  ಅನುಭವ ಮಂಟಪ ಜಯನಗರದಲ್ಲಿ ಸಭೆ  ಕರೆಯಲಾಗಿದೆ.

ಆದ್ದರಿಂದ ಕಲಬುರಗಿಯ ಎಲ್ಲಾ ಬಸವಪರ ಸಂಘಟನೆಗಳ ಮತ್ತು ಕಾಯಕ ಶರಣ ಸಂಘಟನೆಗಳ ಮುಖ್ಯಸ್ಥರು ಪದಾಧಿಕಾರಿಗಳು ಮತ್ತು ಎಲ್ಲಾ ಬಸವ ಅನುಯಾಯಿಗಳು ಈ ಸಭೆಯಲ್ಲಿ ಭಾಗವಹಿಸಿ, ತಮ್ಮ ಅಮೂಲ್ಯವಾದ ಸಲಹೆ ಸೂಚನೆಗಳನ್ನು ನೀಡಬೇಕೆಂದು ಅವರು ಮನವಿ ಮಾಡಿದ್ದಾರೆ.