ಸುರಪುರ: ನಗರದ ವಾರ್ಡ ಸಂಖ್ಯೆ ೨೧ ರ ಹಸನಾಪುರದ ದಲಿತ ಕೇರಿಯಲ್ಲಿ ನೀರು ಸರಬರಾಜಿನ ವಾಲ್ ಮುರಿದು ಹೋಗಿದ್ದು ಜನರಿಗೆ ಕುಡಿಯಲು ಮೋರಿ ನೀರು ಮಿಶ್ರಗೊಳ್ಳುತ್ತಿವೆ.ನಗರಸಭೆ ಅಧಿಕಾರಿಗಳು ಇದಕ್ಕು ತಮಗೂ ಸಂಬಂಧಿವಿಲ್ಲದಂತೆ ಇರುವುದು ಅಲ್ಲಿಯ ಜನತೆಗೆ ಬೇಸರ ತರಿಸಿದೆ.
ನಿರಂತರವಾಗಿ ಕುಡಿಯುವ ನೀರಿನ ಸಮಸ್ಯೆ ಹೆದುರಿಸುತ್ತಿರುವ ಇಲ್ಲಿಯ ಜನರಿಗೆ ಆಗಾಗ ಬರುವು ನೀರು ಕೂಡ ಮೋರಿ ನೀರು ಮಿಶ್ರಣಗೊಳ್ಳುತ್ತಿರುವುದರಿಂದ ಜನರು ಜ್ವರ,ಹೊಟ್ಟೆ ನೀವಿನಂತ ಕಾಯಿಲೆಗಳಿಂದ ನರಳುತ್ತಿದ್ದಾರೆ.ಈ ಕುರಿತು ಅಲ್ಲಿಯ ಮುಖಂಡ ಸಂತೋಷ ಉಲ್ಪೆನವರ್ ಮಾತನಾಡಿ,ಈಗಾಗಲೆ ಒಂದು ತಿಂಗಳಿಂದ ವಾಲ್ ಮುರಿದಿದೆ ನಗರಸಭೆ ಸಿಬ್ಬಂದಿಗಳಿಗೆ ಹೇಳಿದರು ಪ್ರಯೋಜನೆಯಾಗಿಲ್ಲ.
ಅಧಿಕಾರಿಗಳಿಗೆ ಭೇಟಿಯಾಗಿ ವಾಲ್ ಸರಿ ಮಾಡಿಸುವಂತೆ ವಿನಂತಿಸಿದರೂ ಇತ್ತ ಗಮನ ಹರಿಸುತ್ತಿಲ್ಲ.ಇದರಿಂದ ಜನರು ಮೋರಿ ನೀರು ಮಿಶ್ರಣಗೊಂಡ ನೀರನ್ನೆ ಕುಡಿದು ಕಾಯಿಲೆ ಬೀಳುವಂತಾಗಿದೆ.ಕೂಡಲೆ ಅಧಿಕಾರಿಗಳು ಇದನ್ನು ಸರಿಪಡಿಸಬೇಕು ಇಲ್ಲವಾದರೆ ಕೇರಿಯ ಜನರು ನಗರಸಭೆಗೆ ಮುತ್ತಿಗೆ ಹಾಕುವುದಾಗಿ ಎಚ್ಚರಿಸಿದ್ದಾರೆ.