ಕಲಬುರಗಿ: ಶರಣಬಸವೇಶ್ವರ ಸಂಸ್ಥಾನದ ೮ನೇ ಪೀಠಾಧಿಪತಿ ಹಾಗೂ ಜಿಲ್ಲಾ ವೀರಶೈವ ಸಮಾಜ ಟ್ರಸ್ಟ್ ಅಧ್ಯಕ್ಷರಾದ ಪೂಜ್ಯ ಡಾ. ಶರಣಬಸವಪ್ಪ ಅಪ್ಪ ದಿವ್ಯ ಸಾನ್ನಿಧ್ಯದಲ್ಲಿ ನಗರದ ಜಿಲ್ಲಾ ವೀರಶೈವ ಸಮಾಜ ಕಲ್ಯಾಣ ಮಂಟಪ (ಸಾರ್ವಜನಿಕ ಉದ್ಯಾನವನ)ದಲ್ಲಿ ಮಾರ್ಚ ೧ ರಂದು ಸಂಜೆ ೬ ಗಂಟೆಗೆ ಜಿಲ್ಲಾ ವೀರಶೈವ ಸಮಾಜ ಟ್ರಸ್ಟ್ ವತಿಯಿಂದ ವೀರಶೈವ ಲಿಂಗಾಯತ ವಧು-ವರರ ಮಾಹಿತಿ ಕೇಂದ್ರ ಉದ್ಘಾಟನಾ ಸಮಾರಂಭವನ್ನು ಆಯೋಜಿಸಲಾಗಿದೆ ಎಂದು ಶರಣಬಸವೇಶ್ವರ ವಿದ್ಯಾವರ್ಧಕ ಸಂಘದ ಕಾರ್ಯದರ್ಶಿ ಹಾಗೂ ಜಿಲ್ಲಾ ವೀರಶೈವ ಸಮಾಜ ಕಲ್ಯಾಣ ಮಂಟಪ ಟ್ರಸ್ಟ ಅಧ್ಯಕ್ಷರಾದ ಬಸವರಾಜ ದೇಶಮುಖ ತಿಳಿಸಿದ್ದಾರೆ.
ಈ ಉದ್ಘಾಟನಾ ಸಮಾರಂಭದಲ್ಲಿ ಸಾರಂಗಮಠ ಶ್ರೀಶೈಲ ಮತ್ತು ಸುಲಫಲ ಮಠದ ಡಾ. ಸಾರಂಗಧರ ದೇಶಿಕೇಂದ್ರ ಮಹಾಸ್ವಾಮಿಗಳು ಸಾನ್ನಿಧ್ಯ ವಹಿಸಲಿದ್ದಾರೆ. ಚೌಡಾಪುರಿ ಹಿರೇಮಠದ ಷ.ಬ್ರ.ರಾಜಶೇಖರ ಮಹಾಸ್ವಾಮೀಜಿ ಕಾರ್ಯಕ್ರಮ ಉದ್ಘಾಟಿಸಲಿದ್ದಾರೆ. ವಧು-ವರರ ಮಾಹಿತಿ ಕೇಂದ್ರದ ಕಾರ್ಯದರ್ಶಿ ಗಣೇಶ ಅಣಕಲ್ ಗೌರವ ಉಪಸ್ಥಿತಿ ಹಾಗೂ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಲಿದ್ದಾರೆ.
ಸಲಹಾ ಸಮಿತಿಯ ಸದಸ್ಯರಾದ ಅರುಣಕುಮಾರ ಎಸ್.ಪಾಟೀಲ, ಚನ್ನವೀರಪ್ಪ ಗುಡ್ಡಾ, ಶರಣಕುಮಾರ ಎಂ. ಮೋದಿ, ಕಲ್ಯಾಣಪ್ಪ ಪಾಟೀಲ, ರಮೇಶ ಜಿ. ತಿಪ್ಪನೂರ, ಸುರೇಶಕುಮಾರ ನಂದಗಾಂವ ಭಾಗವಹಿಸಲಿದ್ದಾರೆ.
ಕಲಬುರಗಿ ಜಿಲ್ಲೆಯ ವೀರಶೈವ ಲಿಂಗಾಯತ ಸಮಾಜದ ತಾಲ್ಲೂಕು ಅಧ್ಯಕ್ಷರುಗಳಾದ ಅಫಜಲಪೂರ -ಚಂದ್ರಶೇಖರ ಕರ್ಜಗಿ, ಆಳಂದ- ಡಾ. ಶಿವಾನಂದ ಬೇಡಗೆ, ಜೇವರ್ಗಿ- ಶರಣಬಸಪ್ಪ ಕಲ್ಲಾ, ಸೇಡಂ- ಚಂದ್ರಶೆಟ್ಟಿ ಬಂಗಾರ, ಚಿಂಚೋಳಿ- ಚಿತ್ರಶೇಖರ ಪಾಟೀಲ, ಚಿತ್ತಾಪೂರ- ಶಿವರಾಯ ಪಾಟೀಲ ಬೆಳಗುಂಪಾ, ಕಲಬುರಗಿ- ಶಾಂತಪ್ಪ ಪಟ್ಟಣಕರ್ ಉಪಸ್ಥಿತರಿರುವರು.
