ಕಲಬುರಗಿ; ನಿನ್ನೆ ನಗರದ ರೋಜಾ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಕೇವಲ ಆರು ಗಂಟೆಗಳಲ್ಲಿ ಎರಡು ಕೊಲೆ ನಡೆದಿರುವ ಪ್ರಕರಣಕ್ಕೆ ಸಂಬಂಧಿಸಿದಂತೆ ಆರೋಪಿಗಳನ್ನು ರೋಜಾ ಪೊಲೀಸರು ಕೇವಲ 24 ಗಂಟೆಗಳ ಒಳಗಾಗಿ ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ನಿನ್ನೆ ಸಂಜೆ 5 ಗಂಟೆ ಸುಮಾರಿಗೆ ಮಹಮ್ಮದ್ ಅಕ್ರಮ್ (25) ಕಾರ್ಪೆಂಟರ್ ಕೆಲಸ ಮಾಡುತಿದ್ದ ವ್ಯಕ್ತಿಯ ಬೈಕ್ ಮೇಲೆ ಮನೆಗೆ ಬಂದು ಕ್ರಿಕೆಟ್ ಸ್ಟೆಂಪ್ ನಿಂದ ಕೊಲೆ ಮಾಡಿದ್ದು, ನಂತರ ರಾತ್ರಿ 11ಕ್ಕೆ ಮಿಜಗುರಿಯಲ್ಲಿ ಮಹಮ್ಮದ್ ಆರೀಫ್ ಉರ್ಫ್ ಬಬ್ಲು ಎಂಬ ವ್ಯಕ್ತಿಯ ಕೊಲೆ ಮಾಡಿದ ಆರೋಪಿಗಳು ಪರಾರಿಯಾಗಿದ್ದು, ಈ ಎರಡು ಪ್ರಕರಣ ಜಿಲ್ಲೆಯನ್ನು ಬೆಚ್ಚಿ ಬಿಳಿಸಿತ್ತು.
ಪ್ರಕರಣವನ್ಮು ಗಂಭೀರವಾಗಿ ಪರಿಗಣಿಸಿದ ಜಿಲ್ಲಾ ಪೊಲೀಸ್ ಆಯುಕ್ತರಾದ ಎಂ.ಎನ್. ನಾಗರಾಜ್ ಪೊಲೀಸ್, ಕಾನೂನು ಮತ್ತು ಸುವ್ಯವಸ್ಥೆ ಆಯುಕ್ತರಾದ ಕಿಶೋರ್ ಬಾಬು, ಸಹಾಯಕ ಪೊಲೀಸ್ ಆಯುಕ್ತರಾದ ಗೀರಿಶ್ ಮಾರ್ಗದರ್ಶನದಲ್ಲಿ ರೋಜಾ ಪೊಲೀಸ್ ಠಾಣೆಯ ಸರ್ಕಲ್ ಇನ್ಸ್‌ಪೆಕ್ಟರ್ ಅಸ್ಲಂ ಬಾಷಾ, ತಂಡದ ವಿಜನಾಥ್, ಹಮ್ಮದ್ ಮೋಹಸಿನ್, ಗೊಪ್ಪಲ್, ಮಹಮ್ಮದ್ ಅಕ್ರಮ್ ವಿಶೇಷ ತಂಡ ಕಾರ್ಯಾಚರಣೆ ನಡೆಸಿ, ಕೇಲವ 24 ಗಂಟೆಗಳ ಒಳಗೆ ಈ ಎರಡು ಪ್ರಕರಣದ ಆರೋಪಿಗಳನ್ನು ಬಂಧಿಸುವ ಮೂಲಕ ಪ್ರಕರಣವನ್ನು ಇತ್ಯರ್ಥ ಗೊಳಿಸಿದ್ದಾರೆ. ಜಿಲ್ಲೆಯಲ್ಲಿ ಆಪರಾಧ ನಡೆಸುವ ಕಿಡಿಗೇಡಿ ರೌಡಿಗಳನ್ನು ಮಟ್ಟಹಾಕುವಲ್ಲಿ ಯಶಸ್ವಿಯಾಗಿದ್ದಾರೆ.
ಅಕ್ರಮ್ ಪ್ರಕರಣಕ್ಕೆ ಸಂಭದಿಸಿದಂತೆ ಮಹಮ್ಮದ್ ಅಕ್ರಮ್, ಮಹಮ್ಮದ್ ಮುಜಾಹಿದ್, ಮುಹಮಮ್ಮದ್ ತಬ್ರೇಜ್ ಹಾಗೂ ಮಧಾರ್ ಸಾಬ್ ಎಂಬ ನಾಲ್ವರು ಆರೋಪಿಗಳನ್ನು ಬಂಧಿಸಿದ್ದು, ಅದೇ ರೀತಿ ಮಿಜಿಗುರಿಯಲ್ಲಿ ನಡೆದ ಆರೀಫ್ ಉರ್ಫ್ ಬಬ್ಲು ಪ್ರಕರಣದಲ್ಲಿ ಮಹಮ್ಮದ್ ಮಜಹರ್ ಮತ್ತು ಸೈಯದ್ ಶಹೆಬಾಜ್ ಎಂಬ ಇಬ್ಬರು ಆರೋಪಿಗಳನ್ನು ಬಂಧಿಸಿದ್ದಾರೆ.
