ಕಲಬುರಗಿ; ವಿಶ್ವದೆಲ್ಲೆಡೆ ಕೊರೊನಾ ಭೀತಿಯಿಂದ ಬಳಲುತ್ತಿದ್ದು, ಅದರಲ್ಲಿ ಚಿಕಿತ್ಸೆಗೆ ಬಹಳಷ್ಟು ಜನ ಹಾತೊರೆಯುತ್ತಿದ್ದಾರೆ. ಇಂತಹ ಸಂದರ್ಭದಲ್ಲಿ ಜಿಲ್ಲಾದ್ಯಂತ ಶಂಕಾಸ್ಪದ ಕೊರೋನಾ ವೈರಸ್ ನಿಂದ ಬಳಲುತ್ತಿರುವವರನ್ನು, ಇನ್ನಿತರ ತಪಾಸಣೆಗೆ ಚಿಕಿತ್ಸೆ ನೀಡಲಾಗದೆ ಅವರನ್ನು ವಾಪಸ್ಸು ಕಳುಹಿಸುತ್ತಿದ್ದಾರೆ.
ಹೌದು, ಆರೋಗ್ಯ ರಕ್ಷಣೆಗೆಂದು ತೆರೆಯಲಾದ ಪ್ರಾಥಮಿಕ ಕೇಂದ್ರಗಳಲ್ಲಿ ಕೊರೋನಾ ಭೀತಿಯ ಹಿನ್ನೆಲೆ ಇಟ್ಟುಕೊಂಡು ಇಲ್ಲಿನ ರೋಗಿಗಳನ್ನು ವೈದ್ಯಾಧಿಕಾರಿಗಳು ರೋಗಿಗಳನ್ನು ವಾಪಸ್ ಕಳುಹಿಸುತ್ತಿದ್ದಾರೆ ಎಂಬ ಮಾಹಿತಿ ತಿಳಿದು ಬಂದಿದೆ. ಈ ಕುರಿತು ಆರೋಗ್ಯ ಕೇಂದ್ರಕ್ಕೆ ತಪಾಸಣೆಗೆ ಬಂದ ಹಿರಿಯ ನಾಗರಿಕರು ಮತ್ತು ರೋಗಿಗಳು ಇ-ಮೀಡಿಯಾ ಲೈನ್ ಜೊತೆ ಮಾತನಾಡಿ ತಮ್ಮ ಅಳಲು ಹೇಳಿಕೊಂಡಿದ್ದಾರೆ.
ಈ ಕುರಿತಂತೆ ಗ್ರಾಮೀಣ ಮತ್ತು ನಗರ ಭಾಗದ ಬಡ ಮತ್ತು ಮಧ್ಯಮ ವರ್ಗದ ಜನರು ಈ ಕೇಂದ್ರಗಳಿಗೆ ಅವಲಂಬಿತರಾಗಿದ್ದಾರೆ. ಇಲ್ಲಿ ಗರ್ಭಿಣಿಯರಿಗೆ ಆರೈಕೆ,ನವ ಶಿಶುಗಳಿಗೆ ಲಸಿಕೆ ಹಾಕುವ ಹಾಗೂ ಹಲವು ರೀತಿಯ ಆರೋಗ್ಯ ತಪಾಸಣೆ ನಡೆಯುತ್ತದೆ. ಆಸ್ಪತ್ರೆಯಲ್ಲಿ ವೈದ್ಯರು ಉಪಸ್ಥಿತರಿದ್ದರೂ ರೋಗಿಗಳ ತಪಾಸಣೆ ಮಾಡದೆ ಹಿಂತಿರುಗಿಸುವ ಘಟನೆಗಳು ಜಿಲ್ಲಾದ್ಯಂತ ನಡೆಯುತ್ತಿವೆ.
ಜಿಲ್ಲೆಯಲ್ಲಿ ಕೊರೋನಾ ತಡೆಗೆ ಆರೋಗ್ಯ ಕೇಂದ್ರಗಳನ್ನು ಬಳಸಿಕೊಳಲಾಗಿದೆ, ಇನ್ನೂ ಎರಡು ದಿನಗಳಲ್ಲಿ ನೂತನವಾಗಿ ಸೇವಾ ಕೇಂದ್ರ ಆರಂಭ ಮಾಡಲಿದ್ದೇವೆ ಅಲ್ಲಿ ರೋಗಿಗಳು ಬಂದು ಚಿಕಿತ್ಸೆ ಪಡೆಯ ಬಹುದಾಗಿದೆ. – ಜಿಲ್ಲಾ ಆರೋಗ್ಯ ಅಧಿಕಾರಿಗಳು, ಕಲಬುರಗಿ
ಈ ಕುರಿತಂತೆ ಕೆಲ ವೈದ್ಯರನ್ನು ಕೇಳಿದಾಗ, ದಿಢೀರನೆ ಮುಚ್ಚಿ ಇವುಗಳನ್ನು ಕೇವಲ ಕೊರೋನಾ ಜಾಗೃತಿ ಮತ್ತು ಸರ್ವೇ ಮಾಡಲು ಕೇಂದ್ರಗಳನ್ನು ಬಳಸಿಕೊಳ್ಳಬೇಕೆಂದು ಆರೋಗ್ಯ ಅಧಿಕಾರಿಗಳು ಆದೇಶ ನೀಡಿದ್ದಾರೆ ಎಂದು ಹೇಳಿದ್ದಾರೆ.
ಈ ಹಿನ್ನೆಲೆಯಲ್ಲಿ ಅನಾರೋಗ್ಯದಿಂದ ಬಳಲುತ್ತಿರುವ ಸಾರ್ವಜನಿಕರಿಗೆ ಬಹಳ ಸಮಸ್ಯೆಗಳು ಕಾಡಲಾರಂಭಿಸಿವೆ. ಹೀಗಾಗಿ ಇಂತಹ ಸಮಸ್ಯೆಗಳಿಗೆ ಸಂಬಂಧಿಸಿದಂತೆ, ಅಧಿಕಾರಿಗಳು ಸೂಕ್ತ ಕ್ರಮ ಜರುಗಿಸಿ ಆರೋಗ್ಯ ಕಾಪಾಡುವ ಕೇಂದ್ರಗಳನ್ನು ಕಾಳಜಿ ವಹಿಸಿ ಅವುಗಳನ್ನು ಬಳಕೆಯಲ್ಲಿ ಈ ವೈರಸ್ ಭೀತಿಯಿಂದ ಜನರ ದುಗೂಡುಗಳಿಗೆ ಸ್ಪಂದಿಸಬೇಕಾಗಿದೆ.
- ಸಾಜಿದ್ ಅಲಿ ಜೊತೆ ದಸ್ತಗೀರ ನದಾಫ್ ಯಳಸಂಗಿ
