ಕಲಬುರಗಿ: ಗಂಜ್, ಎಪಿಎಂಸಿ, ಮತ್ತು ಫಿಲ್ಟ್ರ್ ಬೆಡ್ಡ್ ಏರಿಯಾದಲ್ಲಿ ೧೫೦೦ ಅಕ್ಕಿ ಚೀಲ ಅಕ್ರಮ ಪಡಿತರ ಧಾನ್ಯವನ್ನು ಕಾಂಗ್ರೆಸ್ ಕಾರ್ಯರ್ಕರು ಹಾಗೂ ಆಹಾರ ಇಲಾಖೆಯ ಜಂಟಿ ನಿರ್ದೇಶಕರು ಪತ್ತೆ ಹಚ್ಚಿದರು.
ಕೊರೋನಾ ಲಾಕ್‌ಡೌನ್ ಹಿನ್ನೆಲೆಯಲ್ಲಿ ಬಡ ಜನರು ಕೈಯಲ್ಲಿ ಕೆಲಸವಿಲ್ಲದೇ, ಊಟಕ್ಕೂ ಪರದಾಡುವಂತಹ ಸ್ಥಿತಿ ನಿರ್ಮಾಣವಾಗಿದೆ. ಸರ್ಕಾರವು ಇಂತವರಿಗೆ ೨ ತಿಂಗಳ ಪಡಿತರವನ್ನು ಮುಂಗಡವಾಗಿ ನೀಡುತ್ತಿದೆ. ಆದರೆ, ಕಲಬುರಗಿ ಜಿಲ್ಲೆಯಲ್ಲಿ ಸ್ಥಳೀಯ ಬಿಜೆಪಿ ನಾಯಕರ ಮುಂದಾಳತ್ವದಲ್ಲೇ ಬಡವರ ಹೊಟ್ಟೆ ಸೇರಬೇಕಿದ್ದ ಸಾವಿರಕ್ಕೂ ಅಧಿಕ ಟನ್ ಅಕ್ಕಿ ಕಾಳಸಂತೆಯ ಖದೀಮರ ಪಾಲಾಗಿದೆ.
ಜಿಲ್ಲೆಯಲ್ಲಿ ಲಕ್ಷಾಂತರ ಬಡಜನರು ಅನ್ನಾಹಾರವಿಲ್ಲದೇ ತೀವ್ರ ಸಂಕಷ್ಟ ಅನುಭವಿಸುತ್ತಿರುವಾಗ, ಇಂತಹ ಕೊರೋನಾ ವಿಷಮ ಪರಿಸ್ಥಿತಿಯಲ್ಲೂ ಬಡವರ ಅಕ್ಕಿ ಕಿತ್ತು ತಿನ್ನುವ ಕೆಲಸಕ್ಕೆ ಕೈ ಹಾಕಿರುವುದು ಅಮಾನವೀಯ ಹಾಗೂ ನಾಚಿಕೆಗೇಡಿನ ಸಂಗತಿ. ಬಡ ಜನರು ಹಿಂದೆಂದೂ ಅನುಭವಿಸದ ಸಂಕಷ್ಟ ಈ ಕೊರೋನಾ ಲಾಕ್‌ಡೌನ್ ಸಮಯದಲ್ಲಿ ಅನುಭವಿಸುತ್ತಿರುವಾಗ, ದುರಾಸೆಗೂ ಮಿತಿಯಿಲ್ಲದಂತೆ ಬಡಜನರ ಅನ್ನವನ್ನು ಕದ್ದು ಮಾರುವ ಕೆಲಸಕ್ಕೆ ಕೈ ಹಾಕಿರುವ ಇವರು ಮನುಷ್ಯ ಜಾತಿಗೆ ಸೇರಿದವರೆ ಅಲ್ಲ. ಇವರು ಮೃಗಗಳೇ ಸರಿ.
ಮುಖ್ಯಮಂತ್ರಿಗಳು ತಕ್ಷಣವೆ ಈ ಅಕ್ರಮದ ಕುರಿತು ತನಿಖೆ ನಡೆಸಲು ತಂಡವನ್ನು ರಚಿಸಿ, ಎಲ್ಲಾ ತಪ್ಪಿತಸ್ಥರ ವಿರುದ್ಧ ಸೂಕ್ತ ಕ್ರಮ ಕೈಗೊಳ್ಳಬೇಕೆಂದು ಆಗ್ರಹಿಸುತ್ತವೆ. ಈ ಅಕ್ರಮವನ್ನು ಪತ್ತೆಹಚ್ಚಿದ ಜಿಲ್ಲೆ ಕಾಂಗ್ರೆಸ್ ಕಾರ್ಯಕರ್ತರನ್ನು ಈ ಸಂಧರ್ಭದಲ್ಲಿ ಅಭಿನಂದಿಸಲು ಇಚ್ಚಿಸುತದ್ದೆ.
ಈ ಸಂದರ್ಭದಲ್ಲಿ ವಿಧಾನ ಪರಿಷತ್ ಸದಸ್ಯ ತಿಪ್ಪಣಪ್ಪ ಕಮಕನೂರ, ಮಾಜಿ ವಿಧಾನ ಪರಿಷತ್ ಸದಸ್ಯ ಅಲ್ಲಮಪ್ರಭು ಪಾಟೀಲ್, ಜಿಲ್ಲಾ ಅಧ್ಯಕ್ಷ ಜಗದೇವ್ ಗುತ್ತೇದಾರ, ಮಾಜಿ ಮಹಾನಗರ ಪಾಲಿಕೆ ಸದಸ್ಯ ರಾಜಕುಮಾರ ಕಪನೂರ, ನಂದಕುಮಾರ ನಾಗಭುಜಂಗಯ್ಯ, ಕಾಶೀನಾಥ್ ದಿವಂತಗಿ , ವಿನೋದ್ ಖೇರೋಜಿ ಹಾಗೂ ಅನೇಕರು ಇದ್ದರು.