ಕಲಬುರಗಿ: ಜೂನ್ 20 ರಂದು ನಗರದ ಪೀರ್ ಬಂಗಾಲಿ ಮೈದಾನದಲ್ಲಿ ರೌಡಿ ಶಿಟರ್ ಹಸನ್ (22) ನನ್ನು ಬರ್ಬರವಾಗಿ ಹತ್ಯೆ ಮಾಡಿ, ಕಸದಲ್ಲಿ ಬಚ್ಚಿಟು ಪರಾರಿಯಾದ ಪ್ರಕರಣಕ್ಕೆ ಸಂಬಂಧಿಸಿದಂತೆ ನಾಲ್ವರು ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದಾರೆ.
ಗ್ರಾಮೀಣ ಪೊಲೀಸ್ ಠಾಣೆಯ ಪಿ.ಎಸ್.ಐ ಸೋಮಲಿಂಗ ಕಿರದಳ್ಳಿ ಅವರ ನೇತೃತ್ವದ ಅಂಬಾಜಿ ಧನೆಕರ, ಮಲ್ಲಿಕಾರ್ಜುನ, ಶಿವಶರಪ್ಪಾ ಮಂಗಲಗಿ, ಪ್ರಕಾಶ ಬಾಗೆವಾಡಿ, ನಾಗೇಂದ್ರ ಸಗರ, ಶಿವಾನಂದ ಪೂಜಾರಿ, ಚನ್ನಬಸಯ್ಯಾ ಮಠಪತಿ, ಶರಣು ನಗರ ಸಿಬ್ಬಂದಿ ಕಾರ್ಯಚರಣೆ ನಡೆಸಿತು.
ಕಮಾಲ ಮುಜರತ್ ಬಡಾವಣೆಯ ನಿವಾಸಿ ಮಸ್ತಾನ ಷಾ (30), ಮಹೇಬುಬ್ ನಗರ ನಿವಾಸಿ ಮೋಹಸಿನ್ ಚಾವುಸ್(23), ಫಿರದೋಸ್ ಕಾಲೋನಿ ಯ ಮಹಮ್ಮದ್ ಸಮೀರ್ ಉರ್ಫ್ ಜಂಡು ಸಮೀರ್ (25) ಹಾಗೂ ಸಾದಿಕ್ (22) ಆರೋಪಿಗಳನ್ನು ಬಂಧಿಸಿದ್ದಾರೆ.
ಬಂಧಿತ ಆರೋಪಿಗಳು ಕೊಲೆಯಾದ ರೌಡಿಯ ಸ್ನೇಹಿತರು ಎಂದು ತಿಳಿದು ಬಂದಿದ್ದು, ಶುಕ್ರವಾರ ರಾತ್ರಿ ಹಸನನ್ನು ಕರೆದುಕೊಂಡು ಪೀರ್ ಬಂಗಾಲಿ ಮೈದಾನದಲ್ಲಿ ಕೊಲೆ ಮಾಡಿ ಶವನ್ನು ಕಸದ ತೊಟ್ಟಿಯಲ್ಲಿ ಬಚ್ಚಿಟು ಪರಾರಿಯಾಗಿದ್ದರು.
ಹಳೆಯ ವೈಷಮ್ಯ ಹಿನ್ನೆಲೆಯಲ್ಲಿ ಹಸನನ್ನು ಕೊಲೆ ಮಾಡಿರುವುದಾಗಿ ತಿಳಿದುಬಂದಿದ್ದು, ಬಂಧಿತ ಆರೋಪಿಗಳನ್ನು ಪೊಲೀಸರು ನ್ಯಾಯಾಂಗ ಬಂದನಕ್ಕೆ ಒಪ್ಪಿಸಿದ್ದಾರೆ. ಈ ಕುರಿತು ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು.