ಕಲಬುರಗಿ: ತಳವಾರ ಮತ್ತು ಪರಿವಾರ ಸಮುದಾಯಗಳಗೆ ಪರಿಶಿಷ್ಟ ಪಂಗಡ (ಎಸ್.ಟಿ) ಪ್ರಮಾಣ ಪತ್ರ ನೀಡುವಂತೆ ಒತ್ತಾಯಿಸಿ ಆಗಸ್ಟ್ 28 ರಂದು ಜಿಲ್ಲಾಧಿಕಾರಿ ಕಚೇರಿ ಎದರುಗಡೆ ಅನಿರ್ಧಷ್ಟಾವದಿ ಧರಣಿ ಸತ್ಯಾಗ್ರಹ ನಡೆಸಲಾಗುವುದೆಂದು ತಳವಾರ ಪರಿವಾರ ಹೋರಾಟ ಸಮಿತಿಯ ರಾಜೇಂದ್ರ ರಾಜವಾಳ ತಿಳಿಸಿದರು.
ನಗರದ ಪತ್ರಿಕಾ ಭವನದಲ್ಲಿ ನಡೆದ ಸುದ್ದಿ ಗೋಷ್ಠಿಯಲ್ಲಿ ಮಾತನಾಡಿ, ಕರ್ನಾಟಕ ರಾಜ್ಯದಲ್ಲಿ ತಳವಾರ ಮತ್ತು ಪರಿವಾರ ಸಮುದಾಯಗಳು ಆರ್ಥಿಕವಾಗಿ, ಸಾಮಾಜಿಕವಾಗಿ ಹಾಗೂ ಶೈಕ್ಷಣಿಕವಾಗಿ ಹಿಂದುಳಿದಿವೆ ಎಂಬ ಕಾರಣಕ್ಕಾಗಿ ಈ ಎಲ್ಲಾ ಮಾನದಂಡಗಳ ಮೇಲೆ ಈ ಸಮುದಾಯಗಳನ್ನು ಪಲಶಿಷ್ಟ ಪಂಗಡದ ಪಟ್ಟಿಗೆ ಸೇರ್ಪಡೆ ಮಾಡಿ ಕೇಂದ್ರ ಸರ್ಕಾರ ಮಾರ್ಚ್ 20 ರಂದು ಅಧಿಸೂಚನೆ ಹೊರಡಿಸಿದೆ. ಅದರಂತೆ ರಾಜ್ಯ ಸರ್ಕಾರವು ಈ ಎರಡು ಜನಾಂಗದವರನ್ನು ಪ್ರವರ್ಗ-1ರಿಂದ ತಗೆದು ಹಾಕಿ, ಪರಿಶಿಸ್ಟ ಪಂಗಡಕ್ಕೆ ಸೇರಿಸಿ ಜೂ.05 ರಂದು ಆದೇಶಹೊರಡಿಸಿದೆ ಎಂದು ತಿಳಿಸಿದರು.
ತಳವಾರ, ಪರಿವಾರ, ನಾಯಕ, ನಾಯ್ಕಾಡ್ ಮತ್ತು ಸಿದ್ಧಿ ಸಮುದಾಯಗಳಿಗೆ ಎಸ್ಟಿ ಪ್ರಮಾಣಪತ್ರ ನೀಡಲು ರಾಷ್ಟ್ರಪತಿಯವರಿಂದ ಅಂಕಿತವಾದ ನಂತರ ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳು ಗೆಜೇಟ್ ಹೊರಡಿಸಿದ ಮೇಲೆ ಈ ಐದು ಸಮುದಾಯಗಳಿಗೆ ಕರ್ನಾಟಕ ರಾಜ್ಯ ಸರ್ಕಾರ ಎಸ್ಟಿ ಪ್ರಮಾಣ ಪತ್ರ ನೀಡಿದೆ.
ಆದರೆ ಈಗ ತಳವಾರ ಮತ್ತು ಪರಿವಾರ ಸಮುದಾಯಗಳನ್ನು ಮತ್ತೆ ಎಸ್ಟಿಯಿಂದ ಕೈ ಬಿಡುವ ಮುಖಾಂತರ ಈ ಸಮುದಾಯಗಳಿಗೆ ಅನ್ಯಾಯ ಮಾಡುತ್ತಿದೆ ಎಂದರು.
ಒಂದು ವೇಳೆ ಜಾಣ ಕುರುಡುತನ ತೊರಿದರೆ ತಳವಾರ, ಪರಿವಾರದವರಿಗೆ ಎಸ್ಟಿ ಪ್ರಮಾಣ ಪತ್ರ ನೀಡುವವರೆಗೆ
ತಳವಾರ, ಪರಿವಾರ ಎಸ್.ಟಿ ಹೋರಾಟ ಸಮಿತಿ ಉಗ್ರವಾದ ಹೋರಾಟ ಮಾಡಲಾಗುವುದೆಂದು ತಿಳಿಸಿದರು.
ಡಾ. ಸರದಾರ ರಾಯಪ್ಪ ರಾಜೇಂದ್ರ ರಾಜವಾಳ ದೇವೇಂದ್ರ ಕೆ ಚಿಗರಳ್ಳಿ, ರಾಚಣ್ಣ ಯಡ್ರಾ ಮಿ,ಶರಣು ಕೋಲಿ, ಕರಣ್ ಬಿರಾದಾರ್, ಚಂದ್ರಶೇಖರ್ ಜಮಾದಾರ್ ಅನಿಲ್ ವಚ್ಚಾ, ಸಾಬಣ್ಣ ಜಾಲಗಾರ ಇದ್ದರು.