ಮಾಲೂರು: ತಾಲೂಕಿನ ಅರಳೇರಿ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಬಿಂಗೀಪುರ ಗ್ರಾಮದಲ್ಲಿ ಇಂದು “ಸ್ವಚ್ಛ ಶನಿವಾರ ಅಭಿಯಾನ” ಮತ್ತು “ಸ್ವಚ್ಛ ಭಾರತ್ ಮಿಷನ್” ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿತ್ತು.
ಈ ಸಂದರ್ಭದಲ್ಲಿ ಗ್ರಾಮ ಪಂಚಾಯಿತಿ ಕಾರ್ಯದರ್ಶಿಗಳಾದ ಮುನಿವೆಂಕಟಪ್ಪ ಮಾತನಾಡಿ ಊರಿನಲ್ಲಿ ಮುಖ್ಯವಾಗಿ ಸ್ವಚ್ಛತೆಯನ್ನು ಕಾಪಾಡಲು ಶನಿವಾರದಂದು ಸ್ವಚ್ಛ ಶನಿವಾರ ಅಭಿಯಾನ ಹಮ್ಮಿಕೊಂಡಿದ್ದು, ಊರಿನಲ್ಲಿ ಯಾವುದೇ ಸ್ಥಳವನ್ನು ಕಲುಷಿತಗೊಳಿಸದೆ,ಕಸ ಕಡ್ಡಿಗಳನ್ನು ಹಾಕದೇ ಸ್ವಚ್ಛವಾಗಿ ಇಡಬೇಕು ಎಂದರು. ಮುಖ್ಯವಾಗಿ ಗ್ರಾಮದಲ್ಲಿ ಬಯಲು ಶೌಚಾಲಯಕ್ಕೆ ಹೋಗುವುದು ನಿಲ್ಲಬೇಕು ಎಂದರು.
ಊರಿನ ಗ್ರಾಮಸ್ಥರು ಸ್ವಚ್ಛತೆಯ ಜೊತೆಗೆ ನೀರನ್ನು ಮಿತವಾಗಿ ಬಳಕೆ ಮಾಡಬೇಕು, ನೀರು ಅತೀ ಅಮೂಲ್ಯ ಸಂಪತ್ತು, ಜೊತೆಗೆ ಬಯಲು ಪ್ರದೇಶದಲ್ಲಿ ಹೆಚ್ಚು ಹೆಚ್ಚು ಮರಗಳನ್ನು ಬೆಳಸಬೇಕು ಎಂದರು.
ಈ ಸಂದರ್ಭದಲ್ಲಿ ಗ್ರಾಮ ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿಗಳಾದ ಸುಮಿತಿ, ಕಂಪ್ಯೂಟರ್ ಆಪರೇಟರ್ ಮಂಜುನಾಥ್, ಸಂಪತ್ ಕುಮಾರ್, ಗ್ರಾಮ ಪಂಚಾಯಿತಿ ಸಿಬ್ಬಂದಿ ಹಾಗೂ ಊರಿನ ಗ್ರಾಮಸ್ಥರು ಇದ್ದರು