ಶಹಾಪುರ: ತಾಲ್ಲೂಕಿನಲ್ಲಿ ರಾತ್ರಿಯಿಂದ ಸುರಿದ ಭಾರಿ ಮಳೆಗೆ ಜನಜೀವನ ತತ್ತರಗೊಂಡು ಮನೆಯ ಮುಂದುಗಡೆ ನಿಲ್ಲಿಸಿದ ಕಾರುಗಳು ಬೈಕ್ಗಳು ಸಂಪೂರ್ಣವಾಗಿ ನೀರಿನಲ್ಲಿ ಮುಳುಗಡೆಯಾಗಿವೆ.
ಕೆಲವೊಂದು ಬೈಕ್ಗಳು ನೀರಿನಲ್ಲಿ ಕೊಚ್ಚಿಕೊಂಡು ಹೋಗಿವೆ ಕೆರೆಯ ನೀರು ಮನೆಯಂಗಳದಲ್ಲಿ ನುಗ್ಗಿ ಮನೆಯಲ್ಲಿರುವ ಸಂಪೂರ್ಣ ದವಸ ಧಾನ್ಯಗಳು ನೀರು ಪಾಲಾಗಿವೆ.ಶಾಸಕರ ಪಕ್ಕದಲ್ಲಿರುವ ಈ ವಾರ್ಡ್ ಇನ್ನೂ ಅಭಿವೃದ್ಧಿ ಕಂಡಿಲ್ಲ,ಮೊನ್ನೆ ಮೊನ್ನೆ ತಲೆ ಎತ್ತಿದ ಶಾಸಕರ ವಾರ್ಡ್ ಡಾಲರ್ಸ್ ಕಾಲೊನಿ ಬೆಳದಿಂಗಳಂತೆ ಕಂಗೊಳಿಸುತ್ತಿದೆ .
ಆದರೆ ಈ ಕಾಲೊನಿ ಹುಟ್ಟಿಕೊಂಡು ಸುಮಾರು ಹತ್ತನ್ನೆರಡು ವರ್ಷಗಳಾದರೂ ಅಭಿವೃದ್ಧಿ ಕಾಣದೇ ಇರುವುದು ವಿಪರ್ಯಾಸ ಎಂದು ಸ್ಥಳೀಯ ನಿವಾಸಿ ಆನಂದ್ ಹೇಳಿದರು.
ಅಧಿಕಾರಿಗಳ ಹಾಗೂ ರಾಜಕಾರಣಿಗಳ ಬೇಜವಾಬ್ದಾರಿತನವೇ ಇದಕ್ಕೆ ಕಾರಣ ಎಂದು ಖಾರವಾಗಿ ನುಡಿದರು.ಇಲ್ಲಿ ರಸ್ತೆ ಚರಂಡಿಗಳೇ ಇಲ್ಲದೆ ಅನಾಥವಾಗಿದೆ. ಇಲ್ಲಿ ಹೇಳೋರು ಕೇಳೋರು ಯಾರೂ ಇಲ್ಲದಂತಾಗಿದೆ. ಸಾಕಷ್ಟು ಬಾರಿ ನಗರಸಭೆ ಅಧಿಕಾರಿಗಳಿಗೆ ಹಾಗೂ ನಗರಸಭೆ ಸದಸ್ಯರ ಗಮನಕ್ಕೆ ತಂದರೂ ಪ್ರಯೋಜನವಾಗಿಲ್ಲ.
