ಕಲಬುರಗಿ: ನಗರದ ನೇಮಿಸಿದ ಸ್ಟೇಷನ್ ಬಜಾರ್ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಬೈಕ್ ಕಳತನ ಸೇರಿ ದರೋಡೆಕೋರರ ಪ್ರಕರಣಕ್ಕೆ ಸಂಬಂಧಿಸಿದಂತೆ ಕಾರ್ಯಚರಣೆ ಪೊಲೀಸರು ಮೂವರು ಆರೋಪಿಗಳನ್ನು ಬಂಧಿಸಿ 8 ದ್ವೀಚಕ್ರ ವಾಹನಗಳನ್ನು ವಶಪಡಿಸಿಕೊಂಡಿದ್ದಾರೆ.
ಮೋಮಿನಪುರ ನಿವಾಸಿ ಹಣ್ಣಿನ ವ್ಯಾಪಾರಿಯಾದ ಜಹೀರ ಇನಾಯಿತ ಅಲಿಶೇಖ್‌(20), ಬಸವೇಶ್ವರ ಕಾಲೋನಿ ನಿವಾಸಿ ಅಜೇಯ ಶರಣಪ್ಪ (19 )ಹಾಗೂ ಮೆಹೆಬೂಬ್‌ ನಗರ ನಿವಾಸಿ ಆಕಾಶ ಭೀಮಾಶ೦ಕರ (20) ಬಂಧಿತ ಆರೋಪಿಗಳು.
ಪೊಲೀಸ್ ಆಯುಕ್ತರಾದ ಎನ್‌, ಸತೀಶ ಕುಮಾರ್‌ ಐಪಿಎಸ್‌ ರವರ ನಿರ್ದೇಶನದ ಮೇರೆಗೆ ಉಪ ಪೊಲೀಸ್ ಆಯುಕ್ತರಾದ ಕಿಶೋರ ಬಾಬು ಐ.ಪಿ.ಎಸ್‌ (ಕಾ ಮತ್ತು ಸು) ಹಾಗೂ ಅಪರಾಧ ಮತ್ತು ಸಂಚಾರ ವಿಭಾಗ ಉಪಪೊಲೀಸ್‌ ಆಯುಕ್ತರಾದ ಶ್ರೀಕಾ೦ತ ಕಟ್ಟಿಮನಿ ಮಾರ್ಗದರ್ಶನದ ಸಹಾಯಕ ಪೊಲೀಸ್ ಆಯುಕ್ತರು (ಎ) ಉಪ-ವಿಭಾಗದ ಐಪಿಎಸ್‌ ಅಂಶುಕುಮಾರ ರವರುಗಳ ನೇತೃತ್ವದಲ್ಲಿ ಸ್ಟೇಷನ್ ಬಹಾರ್‌ ಪೊಲೀಸ್ ಠಾಣೆಯ ಪೊಲೀಸ್ ಇನ್ಸ್‌ಪೆಕ್ಟರಾದ ಸಿದ್ದರಾಮೇಶ್ವರ ಗಡೇದ ಠಾಣೆಯ ಸಿಬ್ಬಂದಿಗಳಾದ ನಜ್ಜುಮೊದ್ದೀನ್‌, ಜಯಭೀಮ, ದೇವೆಂದ್ರ, ಮಲ್ಲಣ್ಣಗೌಡ, ಪಿರೋಜ್‌, ಬೊಗೇಶ್‌, ಮೋಶಿನ್‌ ತಂಡ ಕಾರ್ಯಾಚರಣೆ ನಡೆಸಿದೆ.
ಕಾರ್ಯಾಚರಣೆಯಲ್ಲಿ ಆರೋಪಿಗಳಿಂದ 8 ದ್ವೀ ಚಕ್ರ ವಾಹನ ಮತ್ತು ಒಂದು ಮೊಬೈಲ್‌ ಫೋನ್‌ ಒಟ್ಟು 2.50.000/-ರೂ ಮೌಲ್ಯದ ಸ್ವತ್ತುಗಳನ್ನು ಪತ್ತೆ ಹಚ್ಚಿ ಒಂದು ಸುಲಿಗೆ ಪ್ರಕರಣ ಮತ್ತು 8 ಮೊಟಾರ್‌ ಸೈಕಲ್‌ ಕಳ್ಳತನ ಪ್ರಕರಣಗಳ ತನಿಖೆ ನಡೆಸಿ ಆರೋಪಿಗಳನ್ನು ನ್ಯಾಯಂಗ ಬಂಧನಕ್ಕೆ ಒಪ್ಪಿಸಿದ್ದಾರೆ.
ಈ ಕುರಿತು ಸ್ಟೇಷನ್ ಬಜಾರ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
