ಕಲಬುರಗಿ: ಮಹಾನಗರ ಪಾಲಿಕೆಯ ವಾರ್ಡ್ ಸಂಖ್ಯೆ 20 ರ ಮಿಸ್ಬಾ ನಗರದಲ್ಲಿ ನಯ ಸವೆರ ಸಂಘಟನೆ ವತಿಯಿಂದ ಮತದಾರರ ಗುರುತಿನ ಚೀಟಿ, ಪ್ಯಾನ್ ಕಾರ್ಡ್, ಪ್ಯಾನ್ ಕಾರ್ಡ್, ಆಧಾರ್ ಕರೆಕ್ಷನ್ ಮಾಡಲಾಗುತ್ತಿದೆ ಎಂದು ಸಂಘಟನೆಯ ಅಧ್ಯಕ್ಷರಾದ ಮೊದೀನ್ ಪಟೇಲ್ ಅಣಬಿ ತಿಳಿಸಿದ್ದಾರೆ.
ಬಡ ಹಾಗೂ ಅವಿದ್ಯಾವಂತ ಜನರ ದಾಖಲೆಗಳಲ್ಲಿ ಗೊಂದಲ ಇರುವುದರಿಂದ ಸರಕಾರಿ ಹಾಗೂ ಸರಕಾರೇತರ ಕೆಲಸ ಕಾರ್ಯಗಳು ತೊಂದರೆ ಅನುಭವಿಸುತ್ತಿದ್ದು ಕಂಡು ಬುರುತ್ತಿರುವ ಹಿನ್ನೆಯಲ್ಲಿ ಸಂಘಟನೆ ಈ ವ್ಯವಸ್ಥೆಯನ್ನು ಮಾಡಲಾಗಿದ್ದು, ನಾಗರಿಕರು ಸೇವೆಯ ಸದುಪಯೋಗ ಪಡೆದುಕೊಳಬೇಕೆಂದು ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ ಮನವಿ ಮಾಡಿದರು.
ಜಿಲ್ಲೆಯ ಪ್ರತಿಷ್ಠಿತ ಖಾಜಿ ಮನೆತನದ ಎಂಟನೇ ತಲೆಮಾರಿನ ಡಾ. ಖಾಜಿ ಹಮೀದ್ ಫೈಸಲ್ ಸಿದ್ದಿಕಿ ಅವರು ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿದ್ದರು. ಮುಖ್ಯ ಅತಿಥಿಗಳಾಗಿ ಡಾ. ಮಹಿಬೂಬ್ ಭಾಷಾ, ಮೌಲಾನಾ ಗೌಸಿಯಾ ಮಸ್ಜಿದ್, ಮೊಹಮ್ಮದ್ ಖಾಲಿಕ, ಅಹಮದಿ ಬೇಗಂ, ಸೈರಾ ಬಾನು ಬಾಬಾ ಫಕ್ರುದ್ದೀನ್ ಅನ್ಸಾರಿ ವೇದಿಕೆಯಲ್ಲಿ ಇದ್ದರು.
ಈ ಸಂದರ್ಭದಲ್ಲಿ ನಯಾ ಸವೇರ ಸಂಘಟನೆಯ ಪ್ರಧಾನ ಕಾರ್ಯದರ್ಶಿ ಸಲೀಂ ಅಹಮದ್ ಚಿತಾಪುರ್ ಮಾತನಾಡಿದರು.