ಸುರಪುರ: ತಾಲೂಕಿನಲ್ಲಿ ಲಾಕ್‌ಡೌನ್ ಇರುವುದರಿಂದ ಕರ್ತವ್ಯದಲ್ಲಿರುವ ಕೊರೊನಾ ವಾರಿಯರ್ಸ್‌ಗಳಿಗೆ ಆಸ್ಪತ್ರೆಯಲ್ಲಿನ ರೋಗಿಗಳು ಮತ್ತವರ ಸಂಬಂಧಿಗಳು ಹಾಗು ಬಡ ಜನರಿಗೆ ಮತ್ತು ನಿರ್ಗತಿಕರಿಗೆ ಮಾಜಿ ಶಾಸಕ ರಾಜಾ ವೆಂಕಪ್ಪ ನಾಯಕ ಅಭಿಮಾನಿ ಬಳಗದಿಂದ ಅನ್ನ ನೀರು ವಿತರಣೆ ಮಾಡುವ ಮೂಲಕ ಜನರಿಗೆ ನೆರವಾದರು.
ರಾಜುಗೌಡ ಸೇವಾ ಸಮಿತಿಯಿಂದ ಬಡ ಜನತೆಗೆ ಅನ್ನ ನೀರು ವಿತರಣೆ
ಈ ಸಂದರ್ಭದಲ್ಲಿ ಯುವ ಮುಖಂಡ ರಾಜಾ ಶುಶಾಂತ ನಾಯಕ ಮಾತನಾಡಿ,ನಮ್ಮ ರಾಜಾ ವೆಂಕಟಪ್ಪ ನಾಯಕ ಅಭಿಮಾನಿ ಬಳಗವು ಜಿಲ್ಲಾ ಯೂತ್ ಕಾಂಗ್ರೆಸ್ ಅಧ್ಯಕ್ಷರಾದ ರಾಜಾ ಕುಮಾರ ನಾಯಕ ಅವರ ಮಾರ್ಗದರ್ಶದನದಲ್ಲಿ ತಾಲೂಕಿನ ಜನರಿಗೆ ಲಾಕ್‌ಡೌನ್ ಸಂಕಷ್ಟದ ಸಂದರ್ಭದಲ್ಲಿ ನಮ್ಮ ತಂಡ ನೆರವಾಗಲಿದೆ.ಅದರಂತೆ ಇಂದು ನಗರದಲ್ಲಿನ ಬಡ ಮತ್ತು ನಿರ್ಗತಿಕರು ಹಾಗು ಕೊರೊನಾ ವಾರಿಯರ್ಸ್‌ಗಳಿಗೆ ಮತ್ತು ಗ್ರಾಮೀಣ ಪ್ರದೇಶದಿಂದ ಆಸ್ಪತ್ರೆ ಮುಂತಾದ ಕಾರಣಗಳಿಗಾಗಿ ನಗರಕ್ಕೆ ಆಗಮಿಸಿದ ಜನರಿಗೆ ಅನ್ನ ನೀರು ವಿತರಣೆ ಮಾಡುವ ಮೂಲಕ ಲಾಕ್‌ಡೌನ್ ಮುಗಿಯುವವರೆಗೆ ಜನತೆಗೆ ನೆರವಾಗಲಿದ್ದೆವೆ.ಅಲ್ಲದೆ ಮುಂದಿನ ದಿನಗಳಲ್ಲಿ ತಾಲೂಕಿನಾದ್ಯಂತ ಇದನ್ನು ವಿಸ್ತರಿಸಲಾಗುತ್ತದೆ ಎಂದು ತಿಳಿಸಿದರು.
ನಂತರ ಕೊರೊನಾ ವಾರಿಯರ್ಸ್‌ಗಳಾದ ಆರಕ್ಷಕ ಸಿಬ್ಬಂದಿ ಆರೋಗ್ಯ ಇಲಾಖೆ ಮತ್ತು ನಗರಸಭೆ ಸಿಬ್ಬಂದಿಗಳಿಗೆ ಮತ್ತು ನಗರದ ವಿವಿಧ ಬಡಾವಣೆಗಳಲ್ಲಿನ ಬಡ ಜನತೆಗೆ ಹಾಗು ನಿರ್ಗತಿಕರಿಗೆ ಅನ್ನ ನೀರು ವಿತರಣೆ ಮಾಡಿದರು.ಈ ಸಂದರ್ಭದಲ್ಲಿ ಯೂತ್ ಕಾಂಗ್ರೆಸ್ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ದವೂದ್ ಇಬ್ರಾಹಿಂ ಪಠಾಣ್,ಎನ್‌ಎಸ್‌ಯುಐ ತಾಲೂಕು ಅಧ್ಯಕ್ಷ ಪ್ರವೀಣ ನಾಯಕ ಹಣಮಂತ ಬಿಲ್ಲವ್ ಆಕಾಶ ಜೋಷಿ ಸೇರಿದಂತೆ ಇತರರಿದ್ದರು.