ಕಲಬುರಗಿ: ನಗರದ ಡಾ. ಅಂಬೇಡ್ಕರ ಕಲಾ ವಾಣಿಜ್ಯ ಮತ್ತು ಸ್ನಾತಕೋತ್ತರ ಮಹಾವಿದ್ಯಾಲಯದಲ್ಲಿ ಕರ್ನಾಟಕ ಪೀಪಲ್ಸ್ ಶಿಕ್ಷಣ ಸಂಸ್ಥೆ ವತಿಯಿಂದ ಕೇಂದ್ರದ ಮಾಜಿ ಸಚಿವ, ಎಐಸಿಸಿ ಪ್ರಧಾನ ಕಾರ್ಯದರ್ಶಿ ಹಾಗೂ ರಾಜ್ಯ ಸಭಾ ಸದಸ್ಯರಾದ ಡಾ. ಮಲ್ಲಿಕಾರ್ಜುನ ಖರ್ಗೆಜೀ ಅವರ ೭೯ ನೇ ಹುಟ್ಟು ಹಬ್ಬದ ನಿಮಿತ್ಯ ಸಂಸ್ಥಾಪಕ ದಿನಾಚರಣೆಯನ್ನು ಕೇಕ ಕತ್ತರಿಸುವ ಮೂಲಕ ಆಚರಿಸಲಾಯಿತ್ತು.
ಮುಖ್ಯ ಅತಿಥಿಗಳಾಗಿ ಆಗಮಿಸಿದ ನಾಡಿನ ಚಿಂತಕರಾದ ಡಾ. ಐ.ಎಸ್. ವಿದ್ಯಾಸಾಗರ ರವರು ಮಾತನಾಡುತ್ತ ಡಾ. ಮಲ್ಲಿಕಾರ್ಜುನ ಖರ್ಗೆ ಸಾಹೇಬರು ಕೈಗೊಂಡಿರುವ ಅಭಿವೃದ್ಧಿಗಳು ಶಾಶ್ವತವಾಗಿವೆ. ಕೆಪಿಇ ಸಂಸ್ಥೆಯ ಸ್ಥಾಪಕರು ಕಲ್ಯಾಣ ಕರ್ನಾಟಕದ ೩೭೧ನೇ ಜೆ ಕಾಲಂನ ರುವಾರಿಗಳು, ಬೌದ್ಧ ಭಾರತದ ಮಹಾನ ಧರ್ಮದರ್ಶಿಗಳು ಅವರು ಯಾವ ಯಾವ ಇಲಾಖೆಯ ಸಚಿವರಾಗಿದ್ದರು ಆ ಇಲಾಖೆಗೆ ಜೀವವನ್ನು ತುಂಬಿದ್ದಾರೆ. ಕಲ್ಯಾಣ ಕರ್ನಾಟಕವು ಮಾದರಿಯಾಗಿ ಮಾಡುವಲ್ಲಿ ಶ್ರಮಿಸಿದ ಶ್ರೇಷ್ಠ ನಾಯಕರು. ರಾಜಕಾರಣದಲ್ಲಿ ಕಪ್ಪು ಚುಕ್ಕೆ ಇಲ್ಲದ ನಾಯಕರಾಗಿ ಬುದ್ಧ ಹಾಗು ಬಾಬಾ ಸಾಹೇಬರ ತತ್ವ ಸಿದ್ಧಾಂತದಲ್ಲಿ ತಮ್ಮ ಜೀವನವನ್ನು ನಡೆಸುತ್ತಿದ್ದಾರೆ. ಇಂತಹ ನಮ್ಮ ನಾಯಕರ ವಿಚಾರ ಧಾರೆಗಳನ್ನು ಯುವ ಪೀಳಿಗೆಗಳು ತಮ್ಮ ಜೀವನದಲ್ಲಿ ಅಳವಡಿಸಿಕೊಂಡು ಉತ್ತಮ ವ್ಯಾಕ್ತಿತ್ವವನ್ನು ರೂಪಿಸಿಕೊಳ್ಳಬೇಕು.
ಈ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿರುವ ಕೆಪಿಇ ಸಂಸ್ಥೆಯ ಪ್ರಧಾನ ಕಾರ್ಯದರ್ಶಿಗಳಾದ ಡಾ. ಮಾರುತಿರಾವ ಡಿ. ಮಾಲೆ ರವರು ಮಾತನಾಡುತ್ತಾ ಮಲ್ಲಿಕಾರ್ಜುನ ಖರ್ಗೆ ಅವರ ಆಚಾರ, ವಿಚಾರ, ಪ್ರಚಾರ ಪ್ರತಿಯೊಬ್ಬರು ತಮ್ಮ ಜೀವನದಲ್ಲಿ ಅಳವಡಿಸಿಕೊಳ್ಳಬೇಕು. ಖರ್ಗೆಯವರು ರಾಷ್ಟ್ರ ರಾಜಕಾರಣಿಯಾಗಿದ್ದರು ಕೂಡ ಕಟ್ಟಕಡೆಯ ವ್ಯಕ್ತಿಯನ್ನು ವಿಚಾರಿಸುವ ಗುಣ ಅವರಲ್ಲಿದೆ. ಅವರು ನಡೆದ ಬಂದ ದಾರಿ ಇಂದಿಗೂ ಮರೆತಿಲ್ಲ ಎಲ್ಲಾ ವರ್ಗದವರೊಂದಿಗೆ ಬೇರೆಯುವ ದೊಡ್ಡಗುಣ ಅವರಲ್ಲಿದೆ. ಅವರ ಆದರ್ಶ ಗುಣಗಳನ್ನು ಪ್ರತಿಯೊಬ್ಬರು ಅಳವಡಿಸಿಕೊಳ್ಳಬೇಕು ಎಂದರು.
ಈ ಕಾರ್ಯಕ್ರಮದಲ್ಲಿ ಅತಿಥಿಗಳಾಗಿ ಬಿ. ದೇವಿಂದ್ರಪ್ಪ, ಅಣ್ಣಪ್ಪ ಜಮಾದಾರ, ಪ್ರೋ. ಈಶ್ವರ ಇಂಗನ್, ಡಾ. ಚಂದ್ರಶೇಖರ ಶೀಲವಂತ ಭಾಗವಹಿಸಿದರು. ಈ ಸಂದರ್ಭದಲ್ಲಿ ಕೆಪಿಇ ಸಂಸ್ಥೇಯ ಎಲ್ಲಾ ಶಾಲಾ ಕಾಲೇಜಿನ ಮುಖ್ಯಸ್ಥರು ಶಿಕ್ಷಕರು ಹಾಗೂ ಸಿಬ್ಬಂದಿಗಳು ಉಪಸ್ಥಿತರಿದ್ದರು. ಡಾ. ಅಂಬೇಡ್ಕರ ಪದವಿ ಮಾಹಾವಿದ್ಯಾಲಯ ಪ್ರಾಂಶುಪಾಲರಾದ ಪ್ರೋ. ಗೀರಿಶ ಮೀಶಿ ಸ್ವಾಗತಿಸಿದರು. ಈ ಕಾರ್ಯಾಕ್ರಮವನ್ನು ಡಾ. ಗಾಂಧೀಜಿ ಮೋಳಕೇರೆ ನಿರ್ವಹಣೆ ಮಾಡಿದರು. ಪ್ರೋ. ಮಹಾಂತೇಶ ಬಿದನೂರ ವಂದಿಸಿದರು.