ಶಹಾಪುರ : ಸಾಹಿತ್ಯ ಕ್ಷೇತ್ರದಲ್ಲಿ ತಮ್ಮದೇ ಆದ ಛಾಪು ಮೂಡಿಸಿ, ಆಡಂಬರದ ಬದುಕಿಗಿಂತ ಸರಳ ಜೀವನ ಲೇಸು ಎಂದು ಬಸವಾದಿ ಶರಣರ ತತ್ವಾದರ್ಶಗಳ ಹಾದಿಯಲ್ಲಿ ಬದುಕುತ್ತಿರುವ ನಗರದ ಕುಂಬಾರ ಓಣಿ ನಿವಾಸಿ ಶರಣ ಸಾಹಿತಿ ಶಿವಣ್ಣ ಇಜೇರಿ ಅವರಿಗೆ ರಾಜ್ಯ ಮಟ್ಟದ ಪ್ರಥಮ ವೈಜ್ಞಾನಿಕ ಸಮ್ಮೇಳನ ೨೦೨೧ ನೇ ಸಾಲಿನ ಕೊಡಮಾಡಿರುವ ಜಿಲ್ಲಾ ಹೆಚ್.ಎನ್. ಪ್ರಶಸ್ತಿ ಸ್ವೀಕರಿಸಲು ಶಿವಮೊಗ್ಗಕ್ಕೆ ಆಗಮಿಸುವಂತೆ ಯಾದಗಿರಿ ವೈಜ್ಞಾನಿಕ ಸಂಶೋಧನಾ ಪರಿಷತ್ ಜಿಲ್ಲಾ ಘಟಕದ ವತಿಯಿಂದ ಶುಕ್ಅರವಾರ ಅಧಿಕೃತ ಆಹ್ವಾನ ನೀಡಲಾಯಿತು.
ಕರ್ನಾಟಕ ರಾಜ್ಯ ವೈಜ್ಞಾನಿಕ ಸಂಶೋಧನಾ ಪರಿಷತ್ತಿನ ರಾಜ್ಯ ಉಪಾಧ್ಯಕ್ಷರಾದ ಶರಣ ಸಾಹಿತಿ, ವೈಚಾರಿಕ ಚಿಂತಕ ವಿಶ್ವರಾಧ್ಯ ಸತ್ಯಂಪೇಟೆ ಹಾಗೂ ಯಾದಗಿರಿ ಜಿಲ್ಲಾಧ್ಯಕ್ಷ ಗುಂಡಣ್ಣ ಕಲಬುರ್ಗಿ ಆಮಂತ್ರಣ ಪತ್ರಿಕೆ, ಫಲ ಪುಷ್ಪ ನೀಡಿ ಸತ್ಕರಿಸಿದರು.
ಗುರುಬಸಯ್ಯ ಗದ್ದುಗೆ, ಎಂ.ಬ.ನಾಡಗೌಡ ಸರ್, ತಿಪ್ಪಣ್ಣ ಜಮಾದಾರ್, ಪಂಪಣ್ಣಗೌಡ ಮಾಲಿಪಾಟೀಲ ಮಳಗ, ಷಣ್ಮಖಪ್ಪ ಜೈನ್ ಶಟ್ಟಿ ಅಣಬಿ, ಡಾ.ಬಸವರಾಜ ಹಾದಿಮನಿ, ಪ್ರಕಾಶ, ಶಿವು ಹುಣಸಗಿ, ಬಸ್ಸು ಬೊಮ್ಮನಹಳ್ಳಿ, ಉಮೇಶ ಗುಡಗುಂಟಿ, ಭೀಮಾಶಂಕರ್ ಕೆಂಭಾವಿ, ಸಂಗಮೇಶ ಮ್ಯಾಗಿನಮನಿ, ಬೀಮರಾವ್ ವಕೀಲ ಸೇರಿದಂತೆ ಇತರರು ಇದ್ದರು.