ಕಲಬುರಗಿ: ಯುಗಾದಿಯ ಶುಭ ದಿನದಂದು ‘ ರದ್ದಿ ಹುಡುಗರು’ ಎಂಬ ಹೊಸ ಸಿನಿಮಾದ ಪೋಸ್ಟರ್ ನ್ನು ಶನಿವಾರ ಬಿಡುಗಡೆ ಮಾಡಲಾಯಿತು.
ಮನೋಮಯ್ ಸ್ಟುಡಿಯೋ ಅರ್ಪಿಸುವ ಈ ಸಿನಿಮಾ ಪೋಸ್ಟರ್ ನ್ನು ಕಲಬುರಗಿ ಗ್ರಾಮೀಣ ಶಾಸಕರಾದ ಬಸವರಾಜ ಮತ್ತಿಮುಡು ಬಿಡುಗಡೆಗೊಳಿದರು.
ನಂತರ ಮಾತನಾಡಿದ ಅವರು ಈ ಭಾಗದಿಂದ ಒಳ್ಳೆಯ ಸಿನಿಮಾ ಮೂಡಿಬರಲಿ ಹಾಗೂ ಕಲಾತ್ಮಕ ಭಾಗದಲ್ಲಿ ರಾಷ್ಟ್ರೀಯ ಮಟ್ಟದಲ್ಲಿ ಪ್ರಶಸ್ತಿಗೆ ಭಾಜನವಾಗಲಿ ಎಂದು ಅವರು ಶುಭಹಾರೈಸಿದರು.
ಕತೆ, ಚಿತ್ರಕಥೆ ಯನ್ನು ವೈಭವ ಕೇಸ್ಕರ್ ಬರೆದಿದ್ದಾರೆ. ಪತ್ರಕರ್ತ-ಲೇಖಕ ಮಹಿಪಾಲರೆಡ್ಡಿ ಮುನ್ನೂರ್ ಕ್ರಿಯೇಟಿವ್ ಡೈರೆಕ್ಟರ್ ಆಗಿದ್ದು, ನೂತನ್ ಕಾಮತ್, ವಿಶಾಲ್ ಗಡಾಳೆ , ಮೇಘರಾಜ ಎಸ್ ಎನ್., ಅಮೋಘ ಜೋಶಿ ,ಸಂಜಯ ಗಸ್ತಿ ಪ್ರೊಡಕ್ಷನ್ ಟೀಮಿನಲ್ಲಿದ್ದಾರೆ.
ನಟ- ನಟಿಯರು, ಪೊಷಕರು, ಬಾಲ ಕಲಾವಿದರು ಸೇರಿದಂತೆ ಅನೇಕ ಪಾತ್ರಗಳಿಗೆ ಹಾಗೂ ಉಳಿದ ತಂತ್ರಜ್ಞರನ್ನು ಆಯ್ಕೆ ಮಾಡಬೇಕಿದೆ.
ಇದೇ ಏಪ್ರಿಲ್ ತಿಂಗಳ ಮೊದಲ ವಾರದಲ್ಲಿ ಕಲಬುರಗಿಯಲ್ಲಿ ಕಲಾವಿದರ ಆಯ್ಕೆಗಾಗಿ ಆಡಿಷನ್ ನಡೆಯಲಿದೆ ಎಂದು ಮಹಿಪಾಲರೆಡ್ಡಿ ಹಾಗೂ ವೈಭವ ತಿಳಿಸಿದ್ದಾರೆ.
ಕಲ್ಯಾಣ ಕರ್ನಾಟಕ ಭಾಗದ ಕಲಾವಿದರಿಗೆ ಹೆಚ್ಚಿನ ರೀತಿಯಲ್ಲಿ ಅವಕಾಶವನ್ನು ನೀಡಲಾಗುವುದು. ಹೀಗಾಗಿ ಈ ಅವಕಾಶವನ್ನು ಸ್ಥಳೀಯ ಕಲಾವಿದರು ಬಳಸಿಕೊಳ್ಳುವಂತೆ ಅವರು ತಿಳಿಸಿದ್ದಾರೆ.
ಪೋಸ್ಟರ್ ಬಿಡುಗಡೆಯ ಸಂದರ್ಭದಲ್ಲಿ ಆಕಾಶ್, ಕಾರ್ತಿಕ ಕುಲಕರ್ಣಿ, ಶರತ್ ಪಾಟೀಲ, ಶಿವದತ್ ತಾಳಿಕೋಟಿ ಇದ್ದರು.
