ಸುರಪುರ: ಪ್ರವಾಹದಿಂದ ನಷ್ಟಕ್ಕೊಳಗಾದ ಸಂತ್ರಸ್ತರಿಗೆ ನೆರವಾಗಲು ಕರ್ನಾಟಕ ನವ ನಿರ್ಮಾಣ ವೇದಿಕೆ,ಸಗರನಾಡಿನ ನಗರ ಮತ್ತು ಗ್ರಾಮೀಣಾಭಿವೃದ್ಧಿ ಸೇವಾ ಸಂಸ್ಥೆ,ಕಾಯಕ ಶಿಕ್ಷಣ ಗ್ರಾಮೀಣಾಭಿವೃದ್ಧಿ ಟ್ರಸ್ಟ್ ವಣಕಿಹಾಳ ಹಾಗೂ ಕರ್ನಾಟಕ ರಾಜ್ಯ ರೈತ ಸಂಘ ಹಾಗೂ ಹಸಿರು ಸೇನೆ ವತಿಯಿಂದ ನಗರದಲ್ಲಿ ಗಾಂಧಿ ವೃತ್ತದಿಂದ ಪೂಜ್ಯರಾದ ಶ್ರೀ ಗಿರಿಮಠದ ಪೂಜ್ಯ ಬಸವಲಿಂಗ ದೇವರು ಮತ್ತು ಪೂಜ್ಯರಾದ ಶಾಂತಮೂರ್ತಿ ಶಿವಚಾರ್ಯರು ಸಮ್ಮುಖದಲ್ಲಿ ನಿಧಿ ಸಂಗ್ರಹಣೆ ಮಾಡಲಾಯಿತು.
ಈ ಸಂದರ್ಭದಲ್ಲಿ ಭಾಗವಹಿಸಿದ್ದ ಲಕ್ಷ್ಮೀಪುರ ಶ್ರೀಗಿರಿಮಠದ ಬಸವಲಿಂಗ ದೇವರು ಹಾಗು ರುಕ್ಮಾಪುರ ಹಿರೇಮಠದ ಶಾಂತಮೂರ್ತಿ ಶಿವಾಚಾರ್ಯ ಸ್ವಾಮೀಜಿ ಮಾತನಾಡಿ, ಉತ್ತರ ಕರ್ನಾಟಕದ ಪ್ರವಾಹದಿಂದ ಒಳಗಾದ ಜನರಿಗೆ ನೆರವು ಅನಿವಾರ್ಯ ಇದೆ ಆದ ಕಾರಣ ಸುರಪುರ ತಾಲೂಕಿನ ಎಲ್ಲಾ ಸಂಘ ಸಂಸ್ಥೆಯವರು ಸ್ವಇಚ್ಛೆಯಿಂದ ಸಹಾಯ ಸಹಕಾರ ಮಾಡಿ ಪ್ರತಿಯೊಬ್ಬರು ಮಾನವಿಯತೆ ಮೆರೆಯೋಣವೆಂದು ಕರೆಕೊಟ್ಟರು.
ನಗರ ಯೋಜನಾ ಪ್ರಾಧಿಕಾರದ ಮಾಜಿ ಅಧ್ಯಕ್ಷ ಸೂಗುರೇಶ ವಾರದ ಮಾತನಾಡಿ,ಇಂದು ನಾಡಿನಲ್ಲಿ ಸಂತ್ರಸ್ತರದಾವರೆಲ್ಲರು ನಮ್ಮ ಬಂಧುಗಳಾಗಿದ್ದು,ಅವರ ಬದುಕನ್ನು ಸರಕಾರದ ಜೊತೆ ಸೇರಿ ಕಟ್ಟಿ ಕೊಡುವ ಜವಬ್ದಾರಿ ನಮ್ಮೆಲ್ಲರದಾಗಿದ್ದು ಎಲ್ಲರು ನೆರೆ ಸಂತ್ರಸ್ತರಿಗೆ ನೆರವು ನಿಡೋಣ,ಆ ನಿಟ್ಟಿನಲ್ಲಿ ಇಂದು ವಿವಿಧ ಸಂಘ ಸಂಸ್ಥೆಗಳು ಮಾಡುತ್ತಿರುವ ಕಾರ್ಯ ಶ್ಲಾಘನಿಯವಾಗಿದೆ ಎಂದರು.
ವೀರಶೈವ ಲಿಂಗಾಯತ ಯುವ ವೇದಿಕೆ ರಾಜ್ಯ ಉಪಾಧ್ಯಕ್ಷ ಮಂಜುನಾಥ ಜಾಲಹಳ್ಳಿ ,ಕರ್ನಾಟಕ ನವ ನಿರ್ಮಾಣ ವೇದಿಕೆಯ ಉ.ಕ ಅಧ್ಯಕ್ಷ ಶಿವು ಕಲಿಕೇರಿ.ಕರ್ನಾಟಕ ರಾಜ್ಯ ರೈತ ಸಂಘ ಮತ್ತು ಹಸಿರು ಸೇನೆಯ ದೇವಿಂದ್ರಪ್ಪ ಗೌಡ ಮಾಲಗತ್ತಿ, ಕಾಯಕ ಗ್ರಾಮೀಣಾಭೀವೃಧ್ಧಿ ಟ್ರಸ್ಟ್‌ನ ನಾಗಭೂಷಣ ಯಾಳಗಿ, ಶಿವರಾಜ ವಗ್ಗರ ದೀವಳಗುಡ್ಡ, ಸಗರ ನಾಡಿನ ನಗರ ಮತ್ತು ಗ್ರಾಮೀಣಾಭಿವೃದ್ಧಿ ಸೇವಾ ಸಂಸ್ಥೆಯ ಅಧ್ಯಕ್ಷ ಭೀಮಣ್ಣ ಕವಡಿಮಟ್ಟಿ, ಆನಂದ ಮಡ್ಡಿ,ಬಸವರಾಜ ದೇವಾಪೂರ,ಮಂಜುನಾಥ ಸುರಪುರ,ಜೈ ಕರ್ನಾಟಕ ಜಿಲ್ಲಾಧ್ಯಕ್ಷ ವಿಶ್ವನಾಥ ನಾಯಕ, ವೀರೇಶ ಪಂಚಾಂಗಮಠ, ಚಂದ್ರಶೇಖರ ಡೊಣ್ಣೂರು, ವಿನಯ ಪಂಚಮಗಿರಿ ಮಲ್ಲಣ್ಣ ಸಾಹು ಮುದೋಳ, ಜಗದೀಶ ಪಾಟೀಲ್ ಸೂಗೂರು, ವೆಂಕಟೇಶ ಗುತ್ತೇದಾರ ಸೂಗೂರು, ಶಿವನಗೌಡ ಸೂಗೂರು, ಚನ್ನಬಸವ ವಾಲಿ, ವಾಸು ನಾಯಕ, ಆಕಾಶ ಕಟ್ಟಿಮನಿ, ಬಾಗೇಶ ಯಾಳಗಿ, ರಾಹುಲ್ ಹೆಚ್ ಮತ್ತು ಶರಣಪ್ಪ ಕರಡಿ ಸತ್ಯಂಪೇಟ ಇತರರಿದ್ದರು.