ವಾಡಿ: ಬೈಕ್ ಸ್ಕಿಡ್ ಆಗಿ ವಾಹನ ಅಪಘಾತ ಸಂಭವಿಸಿದ ಪರಿಣಾಮ ಹಿಂಬದಿ ಸವಾರ ಮಹಿಳೆ ಮೃತಪಟ್ಟ ಘಟನೆ ರವಿವಾರ ಬೆಳಗ್ಗೆ ಚಿತ್ತಾಪುರ ತಾಲೂಕಿನ ಲಾಡ್ಲಾಪುರ-ಹಳಕರ್ಟಿ ಗ್ರಾಮ ಮಧ್ಯದ ರಾಷ್ಟ್ರೀಯ ಹೆದ್ದಾರಿಯ ಮೆಲೆ ಸಂಭವಿಸಿದೆ.
ಹೀನಾಬೇಗಂ ಮಹ್ಮದ್ ಇಮ್ರಾನ್ (27) ಮೃತ ದುರ್ದೈವಿ. ರಾಯಚೂರು ನಗರದ ನಿವಾಸಿಯಾಗಿರುವ ಇವರು ತಂದೆಯ ಜತೆಗೆ ಬೈಕ್ ಮೇಲೆ ಕಲಬುರಗಿಗೆ ತೆರಳುತ್ತಿದ್ದರು. ವೇಗವಾಗಿ ಚಲಿಸುತ್ತಿದ್ದ ಬೈಕ್ ಸ್ಕಿಡ್ ಆಗಿದೆ. ಪರಿಣಾಮ ಆಯತಪ್ಪಿ ಮಹಿಳೆ ರಸ್ತೆ ಮೇಲೆ ಬಿದ್ದಿದ್ದಾಳೆ. ಮಹಿಳೆಯ ಬಟ್ಟೆ ಚೈನ್ ಗೆ ಸುತ್ತಿಕೊಂಡ ಪರಿಣಾಮ ಸುಮಾರು 80 ಅಡಿವರೆಗೂ ಮಹಿಳೆಯನ್ನು ಎಳೆದುಕೊಂಡು ಹೋಗಿದೆ.
Contact Your\'s Advertisement; 9902492681
ಗಂಭೀರ ಗಾಯಗೊಂಡಿದ್ದ ಮಹಿಳೆಯನ್ನು ವಾಡಿ ಸಮುದಾಯ ಆಸ್ಪತ್ರೆಗೆ ಸಾಗಿಸಿ ಪ್ರಾಥಮಿಕ ಚಿಕಿತ್ಸೆ ಕೊಡಿಸುವ ಮೂಲಕ ಕಲಬುರಗಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದರೆ ಚಿಕಿತ್ಸೆ ಫಲಕಾರಿಯಾಗದೆ ಮಹಿಳೆ ಮಧ್ಯಾಹ್ನ ವೇಳೆ ಮೃತ ಪಟ್ಟಿದ್ದಾಳೆ ಎಂದು ಪೊಲೀಸರು ತಿಳಿಸಿದ್ದಾರೆ. ಈ ಕುರಿತು ವಾಡಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.