ಕಲಬುರಗಿ: ಹಳೆ ವೈಷ್ಯಮ್ಯ ಹಿನ್ನೆಲೆಯಲ್ಲಿ ಫೆ. 25 ರಂದು ರಾತ್ರಿ ವೇಳೆ ಸೇಡಂ ತಾಲ್ಲೂಕಿನ ಊಡಗಿ ಗ್ರಾಮದ 8 ಮಂದಿ ಮುಸ್ಲಿಂ ಮುಖಂಡರ ಕೊಲೆಗೆ ಯತ್ನಿಸಿದ 12 ಜನ ಆರೋಪಗಳನ್ನು ಸೇಡಂ ಪೊಲೀಸರು ಕಾರ್ಯಾಚರಣೆ ನಡೆಸಿ ಬಂಧಿಸಿ ಕೃತ್ಯಕ್ಕೆ ಬಳಿಸಿದ ತಲವಾರ ಮತ್ತು ಮಚ್ಚುಗಳನ್ನು ವಶಕ್ಕೆ ಪಡೆದಿದ್ದಾರೆ.
ಭಾನುವಾರ ರಾತ್ರಿ ಊಡಗಿ ಗ್ರಾಮದಲ್ಲಿ 8 ಜನರ ಮೇಲೆ ಮಾರಣಾಂತಿಕ ಹಲ್ಲೆ ನಡಸಿದ ಪರಿಣಾಮ ಭಾರಿ ರಕ್ತಸ್ರಾವ ಅಗಿರುವ ಹಿನ್ನೆಲೆಯಲ್ಲಿ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ.
ಕಲಬುರಗಿ ಜಲ್ಲೆಯ ಪೊಲೀಸ್ ಅಧೀಕ್ಷರಾದ ಅಕ್ಷಯ ಹಾಕೆ ಐ.ಪಿ.ಎಸ್. ರವರು ತಕ್ಷಣ ಘಟನಾ ಸ್ಥಳಕ್ಕೆ ಭೇಟಿ ನೀಡಿ, ಅವರ ಮಾರ್ಗದರ್ಶನದಂತೆ ಶ್ರೀನಿಧಿ ಹೆಚ್ಚುವರಿ ಪೊಲೀಸ್ ಅಧೀಕ್ಷಕರು ಕಲಬುರಗಿರವರ ನೇತೃತ್ವದಲ್ಲಿ, ಸಂಗಮನಾಥ ಐಎಸ್‌. ಹಿರೇಮಠ, ಪೊಲೀಸ್ ಉಪಾಧೀಕ್ಷಕರು ಚಿಂಚೋಳಿ, ಶಂಕರಗೌಡ ಪಾಟೀಲ್‌ ಪೊಲೀಸ್ ಉಪಾಧೀಕ್ಷಕರು ಶಹಬಾದ. ಸಿ.ಪಿ.ಐ ರವರು, ಪಿ.ಎಸ್.ಐ ರವರು ಮತ್ತು ಸಿಬ್ಬಂದಿಯವರೊಳಗೊಂಡ 3 ಪ್ರತ್ಯೇಕ ತಂಡಗಳನ್ನು ರಚಿಸಿ, ಘಟನೆ ಜರುಗಿದ 24 ಗಂಟೆಗಳೋಳಗಾಗಿ ಪ್ರಕರಣದಲ್ಲಿ ಭಾಗಿಯಾದ 12 ಜನ ಆರೋಪಿತರನ್ನು ದಸ್ತಗಿರಿ ಮಾಡಿ ಕೃತ್ಯಕ್ಕೆ ಉಪಯೋಗಿಸಿದ ತಲವಾರ ಮತ್ತು ಮಚ್ಚುಗಳನ್ನು ಜಪ್ತಿ ಪಡೆಸಿಕೊಂಡು ಆರೋಪಿಗಳನ್ನು ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದ್ದಾರೆ.
