ಶಹಾಬಾದ: ನಗರದ ಅಶೋಕ ನಗರ ಬಡಾವಣೆಯಲ್ಲಿ ಎರಡು ಮನೆಗಳ ಕಳ್ಳತನ ಮಾಡಿರುವ ಕಳ್ಳರು ಮನೆಯಲ್ಲಿದ್ದ ಅಪಾರ ಪ್ರಮಾಣದ ಚಿನ್ನಾಭರಣ, ನಗದು ದೋಚಿಕೊಂಡು ಹೋಗಿರುವ ಘಟನೆ ಕಳೆದ ರಾತ್ರಿ ನಡೆದಿದೆ.
ಅಶೋಕ ನಗರದ ಮಹ್ಮದ ಇಮ್ರಾನ್ ರವರ ಬಾಡಿಗೆ ನಿವಾಸದಿಂದ 3,55,000 ರೂ.ಗಳು ಮತ್ತು ಪಕ್ಕದ ಮನೆಯ ಮಹ್ಮದ ರಫೀಕ ಮನೆಯಿಂದ 63,000 ರೂ. ಗಳ ಮೌಲ್ಯದ ಬಂಗಾರ ಮತ್ತು ನಗದು ಕದ್ದು ಪರಾರಿಯಾಗಿದ್ದಾರೆ.
ಮನೆಯಲ್ಲಿ ಯಾರು ಇಲ್ಲದನ್ನು ಕಂಡು ಹೊಂಚು ಹಾಕಿ ಖದೀಮರು ಮನೆಯ ಬಾಗಿಲಿನ ಬೀಗ ಮತ್ತು ಅಲ್ಮಾರಿ ತಿಜೋರಿ ಒಡೆದು ಒಟ್ಟು ರೂ. 4,18,500 ರೂ ನಗದು ಹಾಗೂ ಚಿನ್ನದ ಆಭರಣಗಳು ಅಂದಾಜು ರೂ.ಗಳು ಕಳ್ಳತನ ಮಾಡಿದ್ದಾರೆ.
ಇಮ್ರಾನ್ ಮತ್ತು ರಫೀಕ ಅವರ ಮನೆಯನ್ನು ದೋಚಿದ್ದು ಮತ್ತು ಅವರ ಬೆಲೆ ಬಾಳುವ ವಸ್ತುಗಳನ್ನು ಕದ್ದಿರುವುದನ್ನು ಕಂಡು ಅವರು ಬೆಚ್ಚಿ ಬಿದ್ದಿದ್ದಾರೆ.
ಸ್ಥಳಕ್ಕೆ ಶ್ವಾನ ದಳ ಮತ್ತು ಬೆರಳಚ್ಚು ತಜ್ಞರು ಬಂದು ಸ್ಥಳ ಪರಿಶೀಲನೆ ನಡೆಸಿದ್ದಾರೆ. ಸಿಸಿ ಕ್ಯಾಮೆರಾಗಳ ಆಧಾರಗಳನ್ನು ಹುಡುಕಾಟ ಮುಂದುವರೆಸಿದ್ದಾರೆ.ಆರೋಪಿಗಳ ಪತ್ತೆಗೆ ಬಲೆ ಬೀಸಲಾಗಿದ್ದು, ಈ ಕುರಿತು ನಗರ ಪೆÇಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.