ಕಲಬುರಗಿ: ಗ್ರಾಮೀಣ ಶಿಶು ಅಭಿವೃದ್ಧಿ ಯೋಜನಾ ವ್ಯಾಪ್ತಿಯಲ್ಲಿ ಬರುವ ಕಲ್ಲಹಂಗರಗಾ ವಲಯದ ಸಯ್ಯದ್ ಚಿಂಚೋಳಿ-3ನೇ ಅಂಗನವಾಡಿ ಕೇಂದ್ರವನ್ನು ಭೂದಾನಿಗಳಾದ ಮಲ್ಲಿಕಾರ್ಜುನ್ ಅಂತಪ್ಪ ಗಂಗಾ ಅವರು ಬುಧವಾರ ಉದ್ಘಾಟಿಸಿದರು.
ಕಲಬುರಗಿ ಗ್ರಾಮೀಣ ಶಿಶು ಅಭಿವೃದ್ಧಿ ಯೋಜನಾಧಿಕಾರಿ ಪ್ರವೀಣ ಹೇರೂರ ಕಾರ್ಯಕ್ರಮ ಅಧ್ಯಕ್ಷತೆವಹಿಸಿದರು. ಸಯ್ಯದ್ ಚಿಂಚೋಳಿ ಅಂಗನವಾಡಿ ಕಾರ್ಯಕರ್ತೆ ಮಹೆಬೂಬಿ ರವರು ಪ್ರಾರ್ಥನಾ ಗೀತೆ ಹಾಡಿದರು. ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆಯ ಮೇಲ್ವಿಚಾರಕಿ ಶಾಂತಾ ರಾಯಪ್ಪ ಸ್ವಾಗತ ಕೋರಿದರು.
ಮಾಜಿ ಗ್ರಾಮ ಪಂಚಾಯತ್ ಸದಸ್ಯ ಈರಣ್ಣ, ಸಯ್ಯದ ಚಿಂಚೋಳಿ ಗ್ರಾಮದ ಅಂಗನವಾಡಿ ಕಾರ್ಯಕರ್ತೆಯರು, ಸಹಾಯಕಿಯರು, ಆಶಾ ಕಾರ್ಯಕರ್ತೆಯರು ಗಣ್ಯರು ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದರು.
