ಸುರಪುರ: ಎರಡು ಬೈಕ್‌ಗಳ ಮದ್ಯೆ ಮುಖಾಮುಖಿ ಡಿಕ್ಕಿ ಸಂಭವಿಸಿ ವ್ಯಕ್ತಿಯೊಬ್ಬ ಸ್ಥಳದಲ್ಲಿಯೇ ಸಾವನ್ನಪ್ಪಿರುವ ಘಟನೆ ಗುರುವಾರ ಮದ್ಹ್ಯಾನ ನಡೆದಿದೆ.
ತಾಲೂಕಿನ ಮಾವಿನಮಟ್ಟಿ ಹೆಗ್ಗಣದೊಡ್ಡಿ ಮಾರ್ಗ ಮದ್ಯದಲ್ಲಿ ಸಂಭವಿಸಿದ ಅಪಘಾತದಲ್ಲಿ ತಾಲೂಕಿನ ಗೌಡಗೇರಾ ಗ್ರಾಮದ ಮಲ್ಲಣ್ಣ ಹವಲ್ದಾರ ಎಂಬ ೩೦ ವರ್ಷದ ಯುವಕ ತನ್ನ ಗೌಡಗೇರಾ ಗ್ರಾಮದಿಂದ ಹೆಗ್ಗಣದೊಡ್ಡಿ ಮಾರ್ಗವಾಗಿ ಸಿದ್ದಾಪುರಕ್ಕೆ ಹೊರಟಿದ್ದ ಎಂದು ಹೇಳಲಾಗುತ್ತಿದ್ದು,ಅಪಘಾತಗೊಂಡು ಸ್ಥಳದಲ್ಲಿಯೇ ಸಾವನ್ನಪ್ಪಿದ್ದು ಮತ್ತೊಬ್ಬ ವ್ಯಕ್ತಿ ಮಾವಿನಮಟ್ಟಿ ಗ್ರಾಮದ ಅನಿಲ್ ಪೂಜಾರಿ ಎಂಬ ೨೬ ವರ್ಷದ ಯುವಕ ಹೆಗ್ಗಣದೊಡ್ಡಿ ಕಡೆಗೆ ಹೋಗುವಾದ ಮಾರ್ಗ ಮದ್ಯದಲ್ಲಿನ ಸಣ್ಣ ತಿರುವು ಇರುವುದರಿಂದ ಕಾಣಿಸದೆ ಎರಡೂ ಬೈಕ್‌ಗಳು ವೇಗವಾಗಿ ಬಂದಿರಬಹುದು ಎಂದು ಅನುಮಾನಿಸಲಾಗಿದ್ದು,ಅನೀಲ ಪೂಜಾರಿ ಗಂಭೀರವಾಗಿ ಗಾಯಗೊಂಡಿದ್ದು ಕೆಂಭಾವಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಸ್ಥಳಕ್ಕೆ ಕೆಂಭಾವಿ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದು ಪ್ರಕರಣವನ್ನು ದಾಖಲಿಸಿಕೊಂಡಿದ್ದಾರೆ.ಮೃತನ ಶವವನ್ನು ಕೆಂಭಾವಿ ಆಸ್ಪತ್ರೆಗೆ ಸಾಗಿಸಲಾಗಿದ್ದು ಆಸ್ಪತ್ರೆ ಬಳಿಯಲ್ಲಿ ಕುಟುಂಬಸ್ಥರ ಆಕ್ರಂದನ ಮುಗಿಲುಮುಟ್ಟಿತ್ತು.