ಕಲಬುರಗಿ: ಯಾವ ರೀತಿಯಾಗಿ ಮಾತನಾಡುವ ಹಕ್ಕು, ಜೀವಿಸುವ ಹಕ್ಕು ಇತರೆ ಮೂಲಭೂತ ಹಕ್ಕುಗಳಿವೆಯೋ ಅವುಗಳಷ್ಟೇ ಶ್ರೇಷ್ಠವಾದ ಹಕ್ಕು ಮತದಾನ ಹಕ್ಕು ಎಂದು ಅಂಡಗಿ ಪ್ರತಿಷ್ಠಾನ ಟೇಂಗಳಿ ಅಧ್ಯಕ್ಷರಾದ ಶಿವರಾಜ ಅಂಡಗಿ ನೂತನ ದಂಪತಿಗಳಿಗೆ ಮತದಾನ ಜಾಗೃತಿ ಮೂಡಿಸಿದರು.
ಮತದಾನದ ಹಕ್ಕು ಸದುಪಯೋಗ ಪಡೆದುಕೊಳ್ಳಬೇಕಾದರೆ ನಾವು ನೀವೆಲ್ಲರು ಕಡ್ಡಾಯವಾಗಿ ಮೇ 07ರಮದು ನಡೆಯಲಿರುವ ಲೊಕಸಭಾ ಚುನವಾಣೆಯಲ್ಲಿ ತಪ್ಪದೇ ಕಡ್ಡಾಯವಾಗಿ ಮತದಾನ ಮಾಡಬೇಕಾಗಿರುವುದು ಆಧ್ಯ ಕರ್ತವ್ಯ ಎನ್ನುತ ನೂರಕ್ಕೆ ನೂರಷ್ಟು ಪ್ರತಿಶತ ಮತದಾನ ಮಾಡುವ ಮೂಲಕ ಪ್ರಜಾಪ್ರಭುತ್ವ ಇನ್ನೂ ಗಟ್ಟಿಗೊಳಿಸಬೇಕಾಗಿದೆ ಎಂದು ಮದುವೆಯಾದ ದಂಪತಿಗಳಿಗೆ ಹಾಗೂ ಸಮಾರಂಭಕ್ಕೆ ಆಗಮಿಸಿದ ಸಾರ್ವಜನಿಕರಿಗೆ ಮತದಾನ ಜಾಗ್ರತಿ ಅಭಿಯಾನದ ಕರಪತ್ರ ಹಂಚುವ ಮೂಲಕ ವಿನಂತಿಸಿಕೊಂಡರು.
ಜಾಗ್ರತಿ ಅಭಿಯಾನದಲ್ಲಿ ಮದುಮಗ ಶ್ರೀನಿಶ ಮದುಮಗಳು ರೂಪಾ ಹಿರಿಯರಾದ ಡಿ.ಶಿವಲಿಂಗಪ್ಪಾ, ಶ್ರೀಮತಿ ಸರೋಜಿನಿ ದೊಡಮನಿ, ಮಲ್ಲಿನಾಥ ದೇಶಮುಖ, ದೇವಿಂದ್ರಪ್ಪ ಸಲಗರ, ಗೋಳಾ(ಬಿ), ವಿಜಯಕುಮಾರ ರಾವೂರ, ಮಲ್ಲಿಕಾರ್ಜುನ ಸನ್ನತಿ, ಮಂಗಲಾ ರಾವೂರ, ನೀಲಕಂಠ ದೊಡಮನಿ, ಬಕ್ಕಣ್ಣ ಗುರು, ಪರಶುರಾಮ ರಾವೂರ ಹಾಗೂ ಇತರರು ಉಪಸ್ಥಿತರಿದ್ದರು.